مسابقة منتديات عائلة تابلاط@ حول كأس العالم @

انا ارشح البرازيل + اسبانيا

هههه فارس و الله جيت نعرف نصوت زوج مرات باش ندي

100 نقطة ههههه ، بصح حرام عليك فارس على بالكم

خاطيني علاش تلعبو مورايا ، شكرا لك و ان شاء الله

لي يدي 50 نقطة هنيئا له ههه خسارة ما جيتش

نعرف ....

انا ارشح هولاندا+ا سبانيا
شكرا على الفكرة يا فارس

انا ارشح ألمانيا + سويسرا

بارك الله فيك فارس على الفكرة , شكرا لك .

انا ارشح الجزائر

برازيل+اسبانيا


راني متاكدة بلي واحد من هادوا الزوج

انا نستعرف بامير يعطيه الصحا
نموت على جزائر وعندي الامل فيهم
برازيل+الجزائر

- أنا أرشح الجزائر لأني غيور على
منتخب بلادي وان شاء الله يكون فال خير
و أرشح كذلك منتخب اسبانيا
- بارك الله فيك أخي فارس على المبادرة -

شكرااا على الردود و ننتظر اذن من الفائز بكأس العالم و نرى كذلك من يتحصل على 50 نقطة هدية من المنتدى

ههههه فارس 50 نقطة يعني راح تدوها ؟؟؟؟ ههههه بصحتكم ان شاء الله واش عليه....

انا عندي امل50 بالمئة نديها

اما نسرين بصحتها 50 نقطة لان في اي حالة هي فائزة بالجائزة

ههههههههههه اوكي نسرين املا نقولك نمدلك 75 نقطة
هكذا 50على الفائز لي راح يديها و 25 نقطة الاخرى لانك انت لي طلعتهيم للنهائي و كنت مرشحاتو باش يديها

شكراااااااااا

ههههه نيسو خوذي راحتك حنونة ، و بصحتك حنونة النقاط ، و راني نستنى ....

واش قعدتي و ديتي الهدية و ما وعدتيني بوالو ، و لا ديتي النقاط و خلاص علينا رحنا ...هههههههه

معلهش جيت متأخر على المسابقة لاني من مشجعي فريق اسبانيا
في فرصة اخرى
شكرا على المبادرة فارس المنتدى

فارس نسقسيك
ماعليش نبدل رايي واقيل راح نخير اسبانيا وهولندا ياك ماعليش ههههههههههههههههههههه
راني نستنا (دخلت بنص كارطا)

ههههههههههههه
اه شوفي مع نسرين اذا مدتلك كاش فريق من عندها لخاطر راهي مرشحتهم في زوج

شكرااا نورتي الموضوع

انا زهري نحب البااااااااااااااااااااااااارصا و معناه اكيييييد نرشح اسبانيا
جير روطار ما نعرف الا تسمحولي نشارك و لا لالا

ناس ملاح كتب:

انا زهري نحب البااااااااااااااااااااااااارصا و معناه اكيييييد نرشح اسبانيا
جير روطار ما نعرف الا تسمحولي نشارك و لا لالا

معلهش اخي انت بما انك سجلت متأخر فالمنتدى
نديرولك حالة خاصة بصح نزيدولك شرط
من ستربح اكيد انت تقول اسبانيا لكن شرطنا كم النتيجة و ان فزت تكون لك 50 نقطة يعني راح تكون مشاركتك عادية فالمسابقة

شكرااا اخي

اوكي ان شاء الله تريح اسبانيا 3/1 ولا 2/0
معليش الا جيب وحدة منهم مدولي 25 نقطة برك ههههههههههههههه
المهم نشارك فالمسابقة و النقاط ساهل مع الوقت يولو على راسهم مارانيش مقلل من الناحية تاع المشاركات و نقاط التميز المهم انو راني هنا مع ولاد بلادي

ولك هذا اخي الكريم
ان شاء الله تكون الربحة من نصيبنا فقط

ان شاء الله

بصحتكم و ان شاء الله ربي يهنيكم ان شاء الله

و ان شاء الله احاجات اخرى باذنه تعالى ...