سجل حضورك اليومي بمثل او حكمة شعبية

صباح/مساء الخير

انا عجبتني فكرة تسجيل حضور الاعضاء بامثال او حكم شعبية جزائرية وعربية وحبيت نحطها هنا لاعضائنا الجزائريين و العرب

مثلا انا خيرت هاد الحكمة

ابكي يا قلبي على لي ماتو ومتبكيش على لي فارقك في حياتو

اتمنى تفاعلكم

بارك الله فيك على الفكرة الرائعة والمميزة

دمت متألقاا بافكارك القيمة

**كل خنفوس في عين امه غزال**

اللي خانو زهرو يقول السحور بيا
شكرا على الفكرة

حتا مول التاج و يحتاج
بارك الله فيك اخي عادل
على هذه الفكرة التي تعرفنا
بامثال و حكم لم نتعلمها بعد

العفو اخوتي في الله

نورتوا الموضوع بتواجدكم وعطرتوه بتفاعلكم مع الموضوع

تحياتي لكم

شكرا عادل والله بارك الله فيك على الفكرة الرائعة
المثل يقول : دير الخير وانساه ودير الشر واتفكرو

اشري الجار قبل الدار

تبع الكذاب الى باب الدار

المثل الشعبي يقول

ياماكل القمح ذريه وخلي الريح يدي غبارو ولد الناس لا تربيه يكبر ويرجع لدارو

خووووووووك خووووووك لايغرك صاحبك

مشكوور عااادل على الفكرة الرائعة

العفو اختي ابتسام

اللي حبك مابنالك قصر واللي كرهك ماحفرلك قبر

الي يحب الشبح ومايقول أح

المعاونة مع النصارا ولا القعاد خسارة
هههههههه
شكرا على الفكرة

اللي ما عندو عدو يــستنى ولــــد اختو

الفساد ولاالقعاد ههههههههههههه

ههههههههههههه

مليحة هذي يا ابتسام

انا وخويا على بن عمي وانا وبن عمي على البراني

صلاة القياد من الجمعة للعياد

الراقد ما عطاتو امو كســرة

اللسان الطويل دلالة على اليد القصيرة
شكرا عادل على الموضوع

العفو اخي

جبت القط يونسيني اصبح يبرقلي في عينيه

لايعجبك نوار الدفلة في الواد دايرة ظلالها ولايعجبك زين الطفلة حتى تشوف فعالها

البلاء اذا جاك من جناحك قصو

الباب اللي جاك منو الريح سدو واستريح

قلب البرمة على فمها تخرج البنت لامها

كي تشبع الكرش تقول للراس غني ههههههه

حوت ياكل حوت وقليل الجهد يموت

كل واحد يمد رجليه قد حصيرتو

خبر السوء عندو الف جناح

المندبـــة كبـــيرة والمـــيت فأر

الي ماعندوش زهر يشري الكبدة يلقى فيها العظم ههههههههههه

اللي جابوه رجليه الحديد ليه

اذا عرف السبب بطل العجب

خوك خوك لا يغرك صاحبك

المكسي بحوايج الناس عريان

يا ماخد القرد على مالو يروح المال و يبقى القرد على حالو

على كرشو يخــلي عرشو

ماخص القرد غير الورد جا يشمو كلاه

عمي مليح زيدلو الهوا والريح

» سجل حضورك اليومي بدعاء للمسجد الاقصى
» سجل حضورك اليومي بالصلاة على النبي المصطفى صلي الله عليه وسلم
» أمثال شعبية جزائرية
» امثال شعبية وبالصور
» برشلونة الأكثر شعبية ويتفوق على الربال وكبار أوروبا