كرسي الاعتراف للمشرف nani17

ُ.

عدنآ من جديد ..لنستقبل نجما جديدا كرسي الاعتراف للمشرف nani17 135416173

../نجمـا من نجــوٍمُ هـذآ الصـرٍح الشـآمخُ

اليوم يَتَجَدَدُ بِنَا اللقآء من جديدْ..!
بين ثنايا.. هذا المنتدى..

اليوم نستضيف شخصية لامعة..
شخصية كان لها اضافه مميزه في المنتدى في الايام الماضيه..
تشرفنا في الحقيقه بتسجيله معنا في المنتدى وتواجده الدائم
تواجد بكثره في الاقسام الرياضية و الاقسام الترفيهية لروحة المرحة و مقالبه المميزة و المشهور بها

كرسي الاعتراف للمشرف nani17 135416173

أحبتي في الله
نقدم لكم المشرف nani17
اهلا بك اخي يوسف

كرسي الاعتراف للمشرف nani17 Anyaflower199

حيــاك الله أخي
يسعدنا وجودك ضيفا خلوقا ومبدعا على كرسي الإعتراف
آملين أن تسمتع بوجودك في ضيافتنا
وشكرا لك على تلبية الدعوة مجانا
كرسي الاعتراف للمشرف nani17 253807238

ـــــــــــــــــــــــــ
منتديات عائلة تابلاط

-كيف تعرفت على المنتدى؟
-الفرق بين المنتدى في ايامك الاولى و الان -يعني التغييرات؟
- ترتيب و اهمية منتديات عائلة تابلاط بالنسبة للمنتديات الاخرى لي مشارك فيها
-تتفكر منتديات عائلة تابلاط خارج المنتدى؟
-تتكلم عن المنتدى مع الاصدقاء نتاعك؟
- الفرق بين يوسف العضو و يوسف المشرف؟
-اكثر شيء يعجب يوسف فالمنتدى؟
-اكثر شيء يزعج يوسف فالمنتدى؟
- يوسف عند دخولو للمنتدى اول شيء يقوم به ما هو؟
- من هم الاعضاء كي تدخل للمنتدى تحب يكون متواجدين معاك في نفس الوقت؟
-واش تعني كلمة منتدى ليوسف؟
- اشرح الكلمات التالية:منتدى -العائلة-تابلاط
- ههههههه متخافش مراحش نقولك اعربهم
-ضرك علاش راك تضحك مالسؤال نتاعي؟
-كي قتلك هكذا زادت ضحكت اكثر راني عارف؟

انتظر اسئلة اخرى في حصة قادمة.....

شكرا أخي فارس على الترحيب الحار في كرسي الإعتراف
وان شاء الله يعجبني الحال هنا ونبقالكم هنا حتى للعيد ههههههههه
حياك الله انت كذلك وبيك أهلا أخي العزيز

فارس المنتدى كتب:: -كيف تعرفت على المنتدى؟
مرة كنت قاعد أمام الميكرو نتجول في قوقل شفت منتديات عائلة تابلاط دخلت وسجلت فيه
-الفرق بين المنتدى في ايامك الاولى و الان -يعني التغييرات؟
الأيام الأولى كنت ما نشاركش بزاف بسب الإمتحانات اللي كانت في أولى أيامي في المنتدى (أواخر ماي)
- ترتيب و اهمية منتديات عائلة تابلاط بالنسبة للمنتديات الاخرى لي مشارك فيها
بكل صراحة هو المنتدى الأول وهو أهم منتدى وأقوم بالتجول في المنتديات الأخرى كاش ما نلقى حاجة تفيد نحطها في منتدانا الغالي
-تتفكر منتديات عائلة تابلاط خارج المنتدى؟
نتفكرو بزاف تقدر تقول تفكيري كامل على المنتدى (الله غالب والفتو ههههه )
-تتكلم عن المنتدى مع الاصدقاء نتاعك؟
ايه نحكي معاهم ويقولي علاش ماناش نلقاوك بزاف نقولهم الله غالب عندي الأصدقاء بزاف في المنتدى على هذي ما نحسش اني مانيش نلقاكم ونعتبر وكأنكم راكم معايا فالمنتدى
- الفرق بين يوسف العضو و يوسف المشرف؟
ماكاش فريق ماعدا لون الإسم ههههههههه وكذلك انني لما أرى موضوع جديد خاص بالرياضة أول شيئ نقرا الموضوع مليح ونشوف إذا هناك أخطاء إملائية فيه.
-اكثر شيء يعجب يوسف فالمنتدى؟
يعجبني كلش من الواجهة والمواضيع الرائعة والقوانين الصارمة يعجبني كي يكون كل واحد عند حدو بسب هاته القوانين
-اكثر شيء يزعج يوسف فالمنتدى؟
ماكاش لكن ننزعج لما ندخل للدردشة وتكون النات ضعيفة ونبقى داخل خارج هههههههههههههههه
- يوسف عند دخولو للمنتدى اول شيء يقوم به ما هو؟
أول شيئ نشوف المواضيع منذ أخر زيارة ومن بعد نشوف الأعضاء المتواجين
- من هم الاعضاء كي تدخل للمنتدى تحب يكون متواجدين معاك في نفس الوقت؟
انتا خويا فارس، منارالإسلام ،ابتسام14، عيسى، خولة،ونبيل اللي راه غايب علينا
-واش تعني كلمة منتدى ليوسف؟
إلتقاء الأحبة لتبادل المعلومات وافادة كل عضو للأخر كل بما يعرفه
- اشرح الكلمات التالية:
-منتدى :ملتقى للإفادة والإستفادة للجميع
-العائلة: هي ملاذ الفرد من تعب العمل للشعور بذلك الذي يسمى الدفئ العائلي
-تابلاط: بلادي ولدت فيها وتربيت فيها وما نعرفوش قيمتها عندنا غير كي نبعدوا عليها لثم نتوحشوها
- ههههههه متخافش مراحش نقولك اعربهم
كنت خايف تقولي اعربهم هههههههههه لأني ما نسمر والو فالإعراب
-ضرك علاش راك تضحك مالسؤال نتاعي؟
الله غالب ضحكنتي ههههههههههههه
-كي قتلك هكذا زادت ضحكت اكثر راني عارف؟
ايه ههههههههههه وضحكت أكثر
انتظر اسئلة اخرى في حصة قادمة.....
ان شاء الله أخي فارس تقبل تحياتي

السلام عليكم
واش راك ؟
اسئلتي قليلة

واش رايك في المنتدى؟
كيفا تعرفت على المنتدى
هواياتك؟
شكون العضو(ة) اللي تتمنا تقابلو ؟
واش اول شي تديرو كي تدخل للمنتدى؟
واش رايك في سوسن ؟
واش راك حاب تقول لسوسن ؟
جابلي ربي ما كثرش عليك
مع السلامة و صحا فطورك

بانتضار الاجوبة

sawsan كتب:: السلام عليكم
وعليكم السلام ورحمة الله وبركاته
واش راك ؟
لاباس الحمد لله
اسئلتي قليلة
راني نشوف
واش رايك في المنتدى؟
منتدى ولا أروع رائع من كل الجوانب من أعضاء ومدير وواجهة ومواضيع وكل شيئ
كيفا تعرفت على المنتدى
تعرفت عليه صدفة لقيتو في google
هواياتك؟
النات ،الرياضة(كرة القدم وكمال الأجسام والتنس نحبهم بزاف) وكذلك مهوس بمتابعة كرة القدم وكل ما يتعلق بها من أخبار
شكون العضو(ة) اللي تتمنا تقابلو ؟
نحب نقابل الجميع اللي ما نعرفهمش وخصوصا منار الإسلام وموتشا
واش اول شي تديرو كي تدخل للمنتدى؟
نشوف المواضيع الجديدة والأعضاء المتواجدين
واش رايك في سوسن ؟
عضوة نشيطة الله يبارك
واش راك حاب تقول لسوسن ؟
واصلي تميزك واتهلاي في والديك قد ما تقدري كنصيحة
جابلي ربي ما كثرش عليك
ايه ما كثرتيش وضربتي طلة خفيفة
مع السلامة و صحا فطورك
وانتي زادة اختي
مع السلامة في فرصة أخرى

السلام عليكم
اسئلتي قليلة
تفضلي
واش رايك في منار الاسلام ؟
واش اتحب في منار الاسلام ؟و اش متحبيش في منار الاسلام ؟
واش تطلب من منار الاسلام ؟
واش اتقول لمنار الاسلام ؟
و اش تنصح منار الاسلام ؟
هذو هوم اسئلتي
و صح فطورك

سبحاااااااااااااان الله جيت مع يوسف

شميتها بلي دالتواااااا

انتظرني

منار الاسلام كتب:: السلام عليكم
وعليكم السلام ورحمة الله وبركاته
اسئلتي قليلة
ماعليهش المهم ضربتي ليا دورة في كرسي التعزير هههههههه
واش رايك في منار الاسلام ؟
عضوة نشيطة الله يبارك ،غيورة على المنتدى وزيد رزينة وثابتة ما شاء الله
واش اتحب في منار الاسلام ؟
تعجبني كي نلقاها متصلة وتعجبني رزانتها الله يبارك عليك
و اش متحبيش في منار الاسلام ؟
حتى حاجة الحمد لله
واش تطلب من منار الاسلام ؟
مواصلة التميز والتألق وادعيلي معاك كي تروحي للعمرة
واش اتقول لمنار الاسلام ؟
ان شاء الله تحقي جميع أمنياتك
و اش تنصح منار الاسلام ؟
تشد في دينها وتتهلى في والديها
هذو هوم اسئلتي
ماعليهش
و صح فطورك
وانتي زادة أختي
مع السلامة تروحي وترجعي بخير ان شاء الله

السلام عليكم و رحمة الله
الآن هو دور العضو الاكثر اسئلة من بين كل الاعضاء
لذلك تحملني قليلا فإني مكثر عليك

الدفعة الاولى....على بركة الله

]من اعز عضو عليك في المنتدى؟

]يوم تتضايق وين ترووووووح ؟

متى آخر مره اتضاربت مع واحد ولماذا ؟

شكون اللي راك حاب اتضارب معاه في المنتدى ؟؟

عضو توقيعه روعه..( )

عضو نشيط... ( )

عضو رزين... ( )

عضو مفقود... ( )

عضو تفرح بوجوده .. ( )

عضو تحسه واثق من نفسه ... ( )

عضو داخل قوسطوك ... ( )

عضو يغيضك .. ( )

عضو تتمنى تلتقي به ... ( )

عضو مثقف... ( )

عضو تخاف يوم أتشوف اسمه موجود..( )

عضوراك باغي تغير اسمه ... ( )

عضو حاب تعرف معنى اسمه ... ( )

عضو تحس انه يشبهك... ( )

عضــو تحس أن فيه خــمول (كسل ) ... ( )

عضــو يجذبـك بأسلوبه وطريقـة ردوده ... ( )

عضـو أحيانا ينرفزك بـ ردوده ...( )

عضو حاب تقول له صح لسانك .. ( )

عضو تحس انه طموح ... ( )

عضو تحس انه طفولي .. ( )

عضــو يناسبه لـقب المحبوب ... ( )

عضو تقول له (( الله يسامحك )

إلى اللقاء مع الدفعة الثانية من الاسئلة

أسامـــة كتب:: السلام عليكم و رحمة الله
وعليكم السلام ورحمة الله وبركاته
الآن هو دور العضو الاكثر اسئلة من بين كل الاعضاء
لذلك تحملني قليلا فإني مكثر عليك
ماعليهش خويا أسامة خوذ راحتك واسئل قد ماتحب

الدفعة الاولى....على بركة الله
بسم الله نبداو

]من اعز عضو عليك في المنتدى؟

فارس المنتدى نعزو بزاف
]يوم تتضايق وين ترووووووح ؟

كي نكون فالدار نروح للجنان نتاعنا ونقعد تحت الشجرة نشم شويا هوا ولما نكون فالجامعة نروح لوحد البلاصة فيها الحشيش ونقعد
متى آخر مره اتضاربت مع واحد ولماذا ؟

عندها بزاف كنت صغير تضاربت مع واحد صحبي على جال البوس (الكريات)ههههههههههههه
شكون اللي راك حاب اتضارب معاه في المنتدى ؟؟

ماكاش ولا راك حاب تخرجلي أسامة ههههههههههههههه
عضو توقيعه روعه..( )
التوقيع الجديد لفارس المنتدى روعة وكذلك يعجبني توقيع رتاج
عضو نشيط... ( )

باستثناء فارس هناك ابتسام 14، عيسى وموتشا وكاينين أخرين
عضو رزين... ( )
منار الإسلام وفارس المنتدى

عضو مفقود... ( )

همس الحنين وناس ملاح
عضو تفرح بوجوده .. ( )

فارس المنتدى واللي ذكرتهم من قبل
عضو تحسه واثق من نفسه ... ( )
فارس ونبيل

عضو داخل قوسطوك ... ( )
كاين بزاف كيما فارس وموتشا وعيسى وخولة وابتسام وانتا أسامة ومنار الإسلام ونبيل ما يخلاصوش هههههههههه

عضو يغيضك .. ( )

يغيضني اللي يحوس يدير الفتنة وما يقدرش يايما يشفني حالو
عضو تتمنى تلتقي به ... ( )
كامل نحب نتلقا بيكم لكن كاين منار الإسلام وموتشا راني حاب نتلاقى بيهم

عضو مثقف... ( )
فارس المنتدى وسامي jarosic ورتاج
عضو تخاف يوم أتشوف اسمه موجود..( )
ماكاش، الخوف من الله
عضوراك باغي تغير اسمه ... ( )

xxx sos هي بنت وما نيش عارفة علاش خيرت اسم هكذا ؟؟
عضو حاب تعرف معنى اسمه ... ( )
نسرين (طموحي القمة)
عضو تحس انه يشبهك... ( )
ماشكيتش كاين اللي يشبهني واذا كاين الله أعلم شكون
عضــو تحس أن فيه خــمول (كسل ) ... ( )
كل من يسجل بالمنتدى ويدخل اليه مرارا وتكرارا ولا يرد على المواضيع
عضــو يجذبـك بأسلوبه وطريقـة ردوده ... ( )
توفيق
عضـو أحيانا ينرفزك بـ ردوده ...( )
ما ينرفزني حتى واحد انا مانتقلقش بزاف
عضو حاب تقول له صح لسانك .. ( )
أسامة والمستغفر
عضو تحس انه طموح ... ( )
الجميع عندهم طموح لكن أنا نقول نسرين لأنها كاتبة طموحي القمة
عضو تحس انه طفولي .. ( )
مانيش عارف ؟؟؟
عضــو يناسبه لـقب المحبوب ... ( )
فارس المنتدى لأن جميع الأعضاء يحبوه
عضو تقول له (( الله يسامحك )
اللي كتب موضوع (لعن الله قوما تحكمه امرأة) واللي قالو اكتبو
إلى اللقاء مع الدفعة الثانية من الاسئلة
مع السلامة في فرصة أخرى أخي أسامة
تقبل تحياتي

أهلا بيك يوسف فالكرسي

راه نور بوجودك
راهم دارولك كرسي هاايل
لازم تكون اجاباتك فالمستوى ولا نمدلك الكرسي نتاعي
اوكي؟؟
نبدا ولا نخلي بعد الافطار؟؟
ماعليش دوكنبدا دوك الدفعة الأولى
واش يعني اسم يوسف؟؟
وعلاش تحب كرة القدم بزااف؟؟
واش هي الاكلة اللي تحبها؟؟
هل أنت انسان فوضوي؟؟
كي تنوض صباح ترتب الغرفة نتاعك ولا طول تزدم خارج؟؟
واش هو ترتيبك فالأسرة؟؟
ماهو طموحك فالمستقبل؟؟
هل أنت شديد التوتر؟؟
تحب تسهر؟؟
واش هو رأيك في نفسك؟؟
قولي حاجة ماشي مليحة فيك؟؟
واشي هي الحاجة اللي تعجبك في روحك؟؟
كم عدد المنتديات اللي راك مشارك فيها؟؟
تحب الموسيقى؟؟
واش من مادة كنت تحبها كي كنت فالثانوي؟؟
تحب طالع الكتب؟؟
واشي هي هوايتك؟؟
كي تكون مهموم وينا شخص للي ترحلو وتفرغلوا قلبك؟؟
الحاجة اللي جذباتك للمنتدى؟؟
واش مايعجبكش فالمنتدى؟؟
عندك حاجة تتمنى انها تكون متوفرة فالمنتدى ؟؟
كي تكون زعفان واش دير؟؟
نتا مدلل عند والديك؟؟
ماهو برنامجك المفضل؟؟
واش رأيك في خولة؟؟
طولك؟؟
كنت تلميذ مشاغب؟؟
واش هي الفاكهة اللي يحبها يوسف؟؟
قولي يعجبك اسمك؟؟
واش كانوا يسموك كي كنت صغير؟؟
نتمنى أنك تجاوب بصراااحة
ولي عوووووووودة
صح فطورك
مع السلاااامة

khaoula كتب:: سبحاااااااااااااان الله جيت مع يوسف

شميتها بلي دالتواااااا

انتظرني

سبحان الله ان اقلت خولة عندها أسبوع ما دارتش وقلت راح مات حضرليش في كرسي الإعتراف
لكن الظاهر أنكي كنت تنتظرين هذا اليوم بفارغ الصبر هههههههههه

بما انك جاوبت بهذه السرعة
الدفعة الثانية راح تكون سؤال واحد برك.........!

ولكن فكر جيدا قبل ان تجيب.......
و اذا حبيت قول لاي احد يعاونك....
بسم الله...
تخيل نفسك في الطريق الى البيت..
والجو غائم و الامطار غزيرة...
و سمعت على الراديو ان العاصفة سوف تزيد شدتها...
و فجأة لمحت على جانب الطريق ثلاثة اشخاص ينتظرون من يقلهم...
ولكن.......
سيارتك لا تتسع سوى لاثنين السائق وراكب آخر...فمن سوف تقله معك؟؟؟؟

اذاعلمت ان الاشخاص الثلاثه هم..
1*صديق عمرك المقرب جدا منك
2*خطيبتك وتوأم روحك
3*امرأة كبيرة في السن مريضة تحتاج الى الوصول للمستشفى

بالتوفيق

khaoula كتب:: أهلا بيك يوسف فالكرسي
وبيك أهلا خولة
راه نور بوجودك
الله ينورك اختي
راهم دارولك كرسي هاايل
ايه لأنهم يحبوني ههههههههه
لازم تكون اجاباتك فالمستوى ولا نمدلك الكرسي نتاعي
اوكي؟؟
أوكي ما كاش مشكل
نبدا ولا نخلي بعد الافطار؟؟
راكي طولتي ههههههه
ماعليش دوك نبدا الدفعة الأولى
على بركة الله
واش يعني اسم يوسف؟؟
يعني الله يمنح ويضاعف وكذللك يجلب الخير وهذا في العبرية القديمة
وعلاش تحب كرة القدم بزااف؟؟
الله غالب نحب كرة القدم من صغري ومنذ أن كان في عمري 8سنوات
واش هي الاكلة اللي تحبها؟؟
نحب الشربة والرشتة نموت عليهم
هل أنت انسان فوضوي؟؟
يمكن قول هذا ههههههه
كي تنوض صباح ترتب الغرفة نتاعك ولا طول تزدم خارج؟؟
الصراحة أني أشغال البيت ما نقوم بحتى حاجة ههههههههههه أي نخرج ديركت (أما فالجامعة نرتب سريري قبل ما نروح )
واش هو ترتيبك فالأسرة؟؟
ترتيبي الرابع بعد ثلاثة بنات وبعدي ثلاثة الذكور( انا الوسطاني خيرالأمور أوسطها هههههههههه)
ماهو طموحك فالمستقبل؟؟
نكون خدام لاباس وزوجة صالحة ان شاء الله
هل أنت شديد التوتر؟؟
مانزعفش بزاف لكن اذا زعفت ندير ثورة ههههههههههههه
تحب تسهر؟؟
ما شي بزاف لكن فالصيف نسهر حتى الواحدة ليلا
واش هو رأيك في نفسك؟؟
لا أستطيع تقييم نفسي لأن الأخرين هم من يقيمونني
قولي حاجة ماشي مليحة فيك؟؟
نضحك بزاف ههههههههه
واشي هي الحاجة اللي تعجبك في روحك؟؟
مانيش عارف بلاك الهدوء ههههههههههه
كم عدد المنتديات اللي راك مشارك فيها؟؟
واقيلا عشرة لكن ما نشاركش فيهم وسجلت فيهم لربما لرِؤية روابط أو صور في مواضيع ماعدا منتدانا الغالي وأحد المنتديات والذي لا تفوق مساهماتي فيه 200
تحب الموسيقى؟؟
نحب نسمع الأغاني الرياضية وخصوصا أغاني فريقي المفضل
واش من مادة كنت تحبها كي كنت فالثانوي؟؟
التسيير المالي والمحاسبي (المحاسبة) كنت لاقي روحي فيها بزاف
تحب طالع الكتب؟؟
ماشي بزاف أذا لقيت كتاب يعجبني عنوانه
واشي هي هوايتك؟؟
الإنترنت والرياضة وقراءة الجرائد
كي تكون مهموم وينا شخص للي ترحلو وتفرغلوا قلبك؟؟
واحد صاحبي نقولو همومي ونفرغلو قلبي
الحاجة اللي جذباتك للمنتدى؟؟
كلش انا سحلت صدفة وعجبني الحال
واش مايعجبكش فالمنتدى؟؟
ماكاش ماعدا كيما قلت لفارس مشكل الدخول للدردشة هههههههههه
عندك حاجة تتمنى انها تكون متوفرة فالمنتدى ؟؟
كنت متمني يكون هناك زر للشكر لكن المنتدى غير مربوط بالفايسبوك لتفعيلها
كي تكون زعفان واش دير؟؟
ما نهدر مع حتى واحد
نتا مدلل عند والديك؟؟
تقدري تقولي وخاصة عند الوالدة ربي يشدلي في والديا
ماهو برنامجك المفضل؟؟
يوم من الرياضة على الجزيرة الرياضية وكذلك مسلسل وادي الذئاب
واش رأيك في خولة؟؟
عضوة نشيطة الله يبارك ومشاغبة المنتدى ههههههههههههه
طولك؟؟
1.88 طويل قولو الله يبارك ههههههههههههههه
كنت تلميذ مشاغب؟؟
لا لا كنت تلميذ نجيب وكنت محبوب من طرف الأساتذة خصوصا في الإبتدائي والإكمالي
واش هي الفاكهة اللي يحبها يوسف؟؟
نحب الدلاع والفراولة نموت عليهم
قولي يعجبك اسمك؟؟
ايه يعجبني وهو إسم سيدنا يوسف عليه السلام
واش كانوا يسموك كي كنت صغير؟؟
كانو يعيطولي توتو وكان عمي يحب يعيطلي بزاف بيه
نتمنى أنك تجاوب بصراااحة
جاوبتك بكل صراحة
ولي عوووووووودة
انا في انتظار أسئلتك
صح فطورك
الله يسلمك وانتي زادة
مع السلاااامة
مع السلامة دمتي في رعاية الله وحفظه

أسامـــة كتب:: بما انك جاوبت بهذه السرعة
الدفعة الثانية راح تكون سؤال واحد برك.........!
ماعليهش أخي أسامة
ولكن فكر جيدا قبل ان تجيب.......
نفكر مليح ما تخافش
و اذا حبيت قول لاي احد يعاونك....
أوا لا لا ندبر راسي وحدي
بسم الله...
بسم الله نبداو
تخيل نفسك في الطريق الى البيت..
والجو غائم و الامطار غزيرة...
و سمعت على الراديو ان العاصفة سوف تزيد شدتها...
و فجأة لمحت على جانب الطريق ثلاثة اشخاص ينتظرون من يقلهم...
ماشي مشكل نتوقف نرفدهم
ولكن.......
سيارتك لا تتسع سوى لاثنين السائق وراكب آخر...فمن سوف تقله معك؟؟؟؟
هاذي دراجة ماشي سيارة ههههههههههههه
اذاعلمت ان الاشخاص الثلاثه هم..
1*صديق عمرك المقرب جدا منك
2*خطيبتك وتوأم روحك
3*امرأة كبيرة في السن مريضة تحتاج الى الوصول للمستشفى

شوف بما أن هناك صديقي سوف يتفهمني وهو شاب مثلي يعني يقدر يتحمل وندير فيه الثقة باه يتهلى في المدام هههههههههه
وخطيبتي أيضا تقدر تتحمل وثاني نقولها واش جابك هنا في هذه الأجواء
إذا سوف أنقل العجوز إلى المستشفى وأتصل بأخي ليقل صديقي وخطيبتي وان لم أتمكن من الإتصال سأذهب وأعود إليهم ونكون دبرت سيارة أخرى ولو كانت سيارة الإسعاف ههههه
نورمالمو هذا هو الحل وأنا شخصيا هكذا أفضل
بالتوفيق
شكرا أسامة

السلام عليكم
راني رجعت
وجبت شوية اسئلة
شكرا لاجاباتك السابقة
هل أنت من متتابعي أفلام الأكشن؟؟
واش هو رأيك فالبنات اللي يشاركوا فالمنتديات؟؟
هل أخواتك البنات من مستعملي النت؟؟
هل تِؤيد فكرة سكن الزوجة مع أهل الزوج؟؟ او في بيت مستقر؟؟
هل أنت صريح في أغلب الأحيان؟؟
وزنك؟؟
هل تحب تتبع أنواع الموضة؟؟
ماي أفضل ذكرى أو لقطة في حياتك؟؟
متى بكيت اخر مرة؟؟
تحتفظ بالرسائل في بورطابلك ولا تحذفهم؟؟؟
واش هي اخر رسالة تلقيتها وشكون اللي بعثهالك؟؟
عادة من طباع شباب الجزائر ماتعجبكش وتتمنى انها تزول في اسرع وقت ممكن؟؟
كنت تحب مادة الفلسفة؟؟
واش هي المدينة الجزائرية اللي زرتها وعجباتك؟؟
وين تحب تقضي العطلة فالصيف؟؟
كم عدد اصدقائك المفضلين؟؟
عادة من طباع بنات الجزائر ما تعجبكش فيهم وحاب انها تزول؟؟
تحب المصارعة؟؟
وش رايك فمنتخبنا الوطني لكرة القدم؟؟وماهي نقائصه؟؟

السلام عليكم اخي ناني
بما ان العاصفة راها فاللعب
لا يمكن لاحد ان يتفهمك
لا خطيبتك ولا صديقك
و بهذا الجواب انت لم تعطي قدرا لا للصداقة ولا للحب
فشلت في الاختبار يا ناني
.
.
.
.
ولكن لديك فرصة اخرى للمحاولة
و تذكر العاصفة قادمة و ما عندكش الوقت باه تتصل بأي أحد

khaoula كتب:: السلام عليكم
وعليكم السلام ورحمة الله وبركاته
راني رجعت
وجبت شوية اسئلة
مرحبا بك مجددا
شكرا لاجاباتك السابقة
لا شكر على واجب
هل أنت من متتابعي أفلام الأكشن؟؟
في بعض الأحيان اذا لقيت فيلم يعجبني
واش هو رأيك فالبنات اللي يشاركوا فالمنتديات؟؟
عادي لكن في المنتديات المفيدة ماشي الفاسدة والله يشفني حالهم اللي مشاركات في منتديات فاسدة وكذلك الفايسبوك
هل أخواتك البنات من مستعملي النت؟؟
لا أذا كاش ما خصهم يقوللي شوفنا
هل تِؤيد فكرة سكن الزوجة مع أهل الزوج؟؟ او في بيت مستقر؟؟
مع أهل الزوج أحسن على ما أعتقد
هل أنت صريح في أغلب الأحيان؟؟
صريح ياك يقولو الصراحة راحة
وزنك؟؟
محصور بين 75 كغ و80كغ
هل تحب تتبع أنواع الموضة؟؟
ماشي بزاف نشوف واش يخرج عليا
ماي أفضل ذكرى أو لقطة في حياتك؟؟
تأهلنا للمونديال قريب هبلت من الفرحة ولا اراديا لقيت روحي نبكي
متى بكيت اخر مرة؟؟
وفاة جدتي رحمها الله في الربيع الماضي
تحتفظ بالرسائل في بورطابلك ولا تحذفهم؟؟؟
نحتفظ بيهم وكي تتعمر الميموار نمحي اللي ما يعجبونيش
واش هي اخر رسالة تلقيتها وشكون اللي بعثهالك؟؟
(صحا فطورك خويا) وتلقيتها من عند صاحبي المفضل
عادة من طباع شباب الجزائر ماتعجبكش وتتمنى انها تزول في اسرع وقت ممكن؟؟
النوم حتى منتصف النهار
كنت تحب مادة الفلسفة؟؟
لا لا وكنت كاتبها في جدول التوقيت ديالي (كفر وزندقة) ههههههههههههه الأستاذة كنت نقعد نحكي معاها وزملائي يكتبو ههههههههه
واش هي المدينة الجزائرية اللي زرتها وعجباتك؟؟
تيبازة وبالخصوص فيها مدينة شرشال
وين تحب تقضي العطلة فالصيف؟؟
فالبحر لمدة أسبوع اوأسبوعين، وين قالي راسي نروح
كم عدد اصدقائك المفضلين؟؟
كاين بزاف لكن الأكثر تفضيلا هما اثنين
عادة من طباع بنات الجزائر ما تعجبكش فيهم وحاب انها تزول؟؟
الإدمان على المسلسلات وتطبيق ما يرونه فيها للتلاعب بمشاعر الشباب ؟؟؟ الله يهديهن...
تحب المصارعة؟؟
مرات نحب نشوف المصارعة الحرة ونحب جون سينا وروندي أورتن
وش رايك فمنتخبنا الوطني لكرة القدم؟؟وماهي نقائصه؟؟
منتخب له كل مقومات النجاح لكن هناك أشخاص يعرقلون نجاحه ويتمنون أن يبقى في وسط المشاكل
أما النقائص فهي تنقصنا طريقة لعب خاصة بنا نعتمد عليها وكذلك الإرادة بالنسبة للاعبين راهي ناقصة بزاف

أسامـــة كتب:: السلام عليكم اخي ناني
وعليكم السلام ورحمة الله وبركاته أخي أسامة
بما ان العاصفة راها فاللعب
لا يمكن لاحد ان يتفهمك
لا خطيبتك ولا صديقك
و بهذا الجواب انت لم تعطي قدرا لا للصداقة ولا للحب
العمل الصالح هو الذي يدوم وليس الصداقة والحب
فشلت في الاختبار يا ناني
ماشي مشكل ماعليهش
.
.
.
.
ولكن لديك فرصة اخرى للمحاولة
و تذكر العاصفة قادمة و ما عندكش الوقت باه تتصل بأي أحد
يا أخي انا اتخذت قراري نوصل العجوز الى المستشفى واللي فيها خير ربي يجيبها
اما بخصوص الصديق اذا لم يشفه حال العجوز فهو ليس بشر واذا لم يتفهمني فهو ليس صديقي
اما الخطيبة اذا لم يغضها حال العجوز فهي أيضا ليست من بني الإنس ويا أخي ما تقولي لا الحب لا والو اذا ما كانتش مكتوبي ما نقدر ندير والوا ،انا هكذا داير اذا حبتني هكذا اللهم بارك إذا لا الله يسهل على كل واحد
ولا أكترث ان كنت أصبت أو فشلت

سلااااااااااااااااااااام ناني

كيفاه راك داير مع كرسي الاعتراف ؟

راني نشوف كانوا عنك اسئلة بزاف

وعلى هذيك انا ماريحاش نطول ونثقل عليك

نمدلك غير شوية اسئلة

وعلى بركة الله نبدا

كي دخلت لكرسي وشفت ابتسام 14 واش كان الشعور تاعك ههههه((ماتقوليش برك كنت خايف ))ههههههههههه

***بكل صراحة كنت خايف منها تدرلك كارثة في الكرسي ولالال ههههههههههه

بسم الله نبداو في الاسئلة تاع الصح

**الشهر المفضل لك ولماذا

**الفصل الذي تحبه كثيرا مع اعطاء السبب

**المشروب المحبب اليك

**حيوانك المفضل

**أجمل مرحلت مريت عليها

**أجمل عام دراسي بالنسبة اليك

***أسوء سنة دراسية مرت عليك

**موقف اضحكك كثيرااااااااا كثيرااااااااااا

**قرار اتخذته وندمت عليه

**أفضل مكان تحب الجلوس فيه

***هل لديك اقرباء بالمنتدى

**عضو ريته من قبل وتعرفه حق المعرفة

**أول واحد تعرف عليه بالمنتدى

**آخر شخص تعرفت عليه بالمنتدى

***ادنى علامة تحصلت عليها في دراستك

**لما كنت في الاعدادي والثانوي كنت مشاغب ولالالا

**مشكون الي حبيت كثر تلاميذ الاعدادي ام لابتدائي او الثانوي

**نهار كي ديت الباك واش درت واش كان الشعور تاعك

**من هو مثلك الاعلى في الحياة

**آخر شخص تتذكره قبل ان تنام

**كلمة تود ان تسمعها كل يوم

**هل هزمك حزنك مرة من الايام

**هل انت راضي عن نفسك

**من هو اكثر شخص تفكر فيه

**حكمة تومن بها كثيرا

**اعتذار تريد ان تقدمه ولمن ؟

راني حابة نعرف اذا كنت عييت من الاجابة ولالا هههههههه

اني قريب نخلص اصبر عليا شوية برك هههههههه

**ماذا تعني لك ((مارايك بهذا ان صح التعبير ))

الام

الاب

الاخت

الاخ

البيت

تابلاط

الجامعة

الاقامة الجامعية

الحي

الصداقة

الحب

الاخلاص

التضحية

الرجولة

الانترنيت

**اعطيني كلمة تقولها بزاف

**كلمة تحب تنحيها من قاموسك الشخصي

**كلمة تحب تنحيها من قاموس الجزائريين

**آخر مرة ذهب فيها الى طبيب

اخر مرة زرت فيها مريض

آخر مرة رفعت صوتك على اخواتك البنات هههههههه(ان شاء الله ماتقوليش كل يوم نرفد صوتي عليهم ههههههههههه راني نضحك برك ))

**عييت من الاجابة على اسئلتي ولا مازال نانو

ماعليه خويا نانو نزيدلك شوية اسئلة برك مام انا راني عيت من الكتابة هههههه

**كيف تواجه من يخطئ اليك بكدبة او سوء ظن او تهمة

**حاجة مهمة بزاف نساتها بسومة وعلاه خيرت *ناني 17* بالذات هههههه

**انت تعرف تطيب ولالالا

كلمة توجهها لشخص اعطاك الكثير

**قداه افراد عائلتك

مشكون تحب بزاف **أمك ام أبوك حفظهما الله **

أفضل اسم بنت واسم ولد بالنسبة اليك

هل شخسية مشرفنا يوسف في المنتدى هي نفسها في محيطه

وفي الختام

كيف كانت الجلسة مع اسئلة ابتسام

وان شاء الله نكون خرجلت قلبك ههههههههههههههكيما تقول انت هههههههههه

صح فطورك خويا يوسف

واسمحلي بزاف على الازعاج نانو هههههههههههههههه((هذوا مقبلات برك المرة الجاية نجيبلك عشا لاباس بيه نقصد اسئلة ))هههههههههههه

أسئلة خفيفة جداااااااااا متعلقة بالعضوة ابتسام

**واش ريك في العضوة ابتسام

**حاجة تكرها في ابتسام

**حاجة تقلقك في ابتسام

**كلمة تحب تقولها لابتسام

**لوكان تحط ابتسام مقلب بالمنتدى وتطيح انت فيه بكل صراحة تدخل وتقول بلي مقلب مشى عليا

**كلمة تستعملها ابتسام بصح انت ماتفهمش معاناها

**كلمة تقولها ابتسام تحب انت تنحيها من قاموسها

**حاجة تبدلت في ابتسام

موضوع حطتوا ابتسام وعجبك بزاف

موضوع حطتوا ابتسام بصح ماعجبكش خلاص

سلااااااااااااااااام يوسف والى الملتقى ان شاءالله

ابتسام14 كتب:: سلااااااااااااااااااااام ناني

سلام ابتسام
كيفاه راك داير مع كرسي الاعتراف ؟
راني لاباس الحمد لله
راني نشوف كانوا عنك اسئلة بزاف
عندك شك ياك قلنا عندي الشعبية والشهرة ديالي وصلت حتى للهند وسماو سيارة على اسمي ههههههههههههه
وعلى هذيك انا ماريحاش نطول ونثقل عليك
ماعليهش خوذي راحتك كيما حبيتي
نمدلك غير شوية اسئلة
أوكي
وعلى بركة الله نبدا
بسم الله
كي دخلت لكرسي وشفت ابتسام 14 واش كان الشعور تاعك ههههه((ماتقوليش برك كنت خايف ))ههههههههههه
عادي قلت باين بلي راح تسقسيني غير على الضحك هههههههههه
***بكل صراحة كنت خايف منها تدرلك كارثة في الكرسي ولالال ههههههههههه
لا لا علاش نخاف؟؟؟
بسم الله نبداو في الاسئلة تاع الصح
مازال غير ما بديتيش
**الشهر المفضل لك ولماذا
شهر مارس لأنه في فصل الربيع والواحد يدي عطلة يروح يتصور شويا في الحشيش ههههههههه
**الفصل الذي تحبه كثيرا مع اعطاء السبب
نحب فصل الصيف الراحة الإستجمام والتحواس والبحر ههههههههههههه
**المشروب المحبب اليك
حمود بوعلام أبيض
**حيوانك المفضل
الكلب وفالعصافير نحب المقنين
**أجمل مرحلت مريت عليها
مرحلة الدراسة في الثانوية
**أجمل عام دراسي بالنسبة اليك
السنة الثانية ثانوي
***أسوء سنة دراسية مرت عليك
السنة الأولى ثانوي ان شاء الله ما تتعاودش ههههههههههه
**موقف اضحكك كثيرااااااااا كثيرااااااااااا
مرة واحد صاحبي كان يقولنا السخانة وهي فعلا كانت السخانة وبعد مكوثنا مدة 10 دقائق داخل احدى المحلات في سوق لا تدري ما يحدث خارجه
وتخيلوا معي لما خرجنا وجدنا كل شيئ أبيض( البَرَد الكبير) وأمطار غزيرة قريب هبل من الضحك ههههههههههههه
**قرار اتخذته وندمت عليه
تجميد السنة الدراسية في أول سنة لي في الجامعة
**أفضل مكان تحب الجلوس فيه
في أين مكان نلقى فيه راحتي وما نحبش نقعد في القهاوي لأني رائحة السجائر ما نحملهاش هههههههههه
***هل لديك اقرباء بالمنتدى
لا أعتقد وإن وجد أنا لا أدري
**عضو ريته من قبل وتعرفه حق المعرفة
نبيل، كازانوفا ،فارس المنتدى (لكن ما كنتش عارف بلي مسجلين بالمنتدى وكازانوفا وفارس كنت نعرفهم بالوجه فقط ليس شخصيا لكن بعدما لقيتهم في المنتدى تعارفنا)وكاين عيسى اللي تعرفت عليه عن طريق المنتدى
**أول واحد تعرف عليه بالمنتدى
على ما أعتقد فارس المنتدى أو كازانوفا
**آخر شخص تعرفت عليه بالمنتدى
يوسف boba
***ادنى علامة تحصلت عليها في دراستك
3.5 في مادة الرياضيات في شهادة الباكالوريا ( هي اللي هردتني هههههههههههههه)
**لما كنت في الاعدادي والثانوي كنت مشاغب ولالالا
لا لا كنت نجيب ولكن في الثانوي تقدري تقولي كنت شويا شويا
**مشكون الي حبيت كثر تلاميذ الاعدادي ام لابتدائي او الثانوي
الثانوي
**نهار كي ديت الباك واش درت واش كان الشعور تاعك
ما درت والو وكان شعوري عادي جدا لأني كنت شبه متيقن بحصولي على الشهادة
**من هو مثلك الاعلى في الحياة
الرئيس الراحل هواري بومدين رجل بأتم معنى الكلمة
**آخر شخص تتذكره قبل ان تنام
الوالدة حفظها الله
**كلمة تود ان تسمعها كل يوم
صباح الخير ههههههههه
**هل هزمك حزنك مرة من الايام
نعم سبق حدوث هذا
**هل انت راضي عن نفسك
ليس تمام لكن نقولو60%
**من هو اكثر شخص تفكر فيه
ما نفكر في حتى واحد هكذا وبرك لكن كي نكون بعيد على الدار نفكر في عائلتي كلها
**حكمة تومن بها كثيرا
صديقك من يصارحك بأخطائك لا من يجملها ليكسب رضائك
من زاد في حبه لنفسه .. زاد كره الناس له
**اعتذار تريد ان تقدمه ولمن ؟
(أسمحولي) إلى كل من أخطأت في حقه
راني حابة نعرف اذا كنت عييت من الاجابة ولالا هههههههه
عييتيني كي قلتيلي عندي شويا أسئلة ولحد الأن ما خلاصوش هههههههههههههه
اني قريب نخلص اصبر عليا شوية برك هههههههه
باين بلا ما نحبط نشوف بلي مازال جرنان هههههههههه
**ماذا تعني لك ((مارايك بهذا ان صح التعبير ))

الام
منبع الحنان وهي المدرسة والممرضة والساهرة على كل شيئ يخص أبنائها
الاب
هو الذي يحارب ويكافح من أجل حماية عائلة وتوفير كل متطلباتها
الاخت
هي الأم الثانية واللي تفرح بخوها وتعتز بيه
الاخ
السند والمعونة
البيت
راحة البال والشعور بالراحة والطمأنينة
تابلاط
بلادي اللي ولد وتربيت فيها وان شاء الله نعطيها حاجة مليحة كيما هي عطاتنا بزاف حاجات
الجامعة
زيادة الكفاءة الدراسية
الاقامة الجامعية
غوانتانامو الذل والهوان ههههههههههههههه
الحي
التقاء الأحبة من الجيران والأصدقاء
الصداقة
الصديق وقت الضيق ، صاحبك الا صاحبك في الشدة اما الناس الاخرى كلهم بعروضهم
الحب
شيئ دمر عقول الشبان والشابات
الاخلاص
شيئ مفقود في زماننا هذا
التضحية
إعطاء كل شيئ في سبيل شيئ معين
الرجولة
الشهامة والشجاعة ، وقليل اللي تتوفر فيه
الانترنيت
زيادة الموسوعة الثقافية للفرد والتعرف على ثقافات أخرى وكيما يقولو الإنترنت رجعت العالم قرية صغيرة
**اعطيني كلمة تقولها بزاف
نفحتلي وكذلك ما نيش عارف
**كلمة تحب تنحيها من قاموسك الشخصي
ما كاش على ما أعتقد جميع الكلمات اللي في قاموسي الشخصي نحتاجهم إذا لقيت نقولك عليها
**كلمة تحب تنحيها من قاموس الجزائريين
(الله غالب) اللي تقولو كاش حاجة يقولك الله غالب
**آخر مرة ذهب فيها الى طبيب
منذ شهرين بسب لسعة من عقرب لسعتني وأنا أمشي في الطريق
اخر مرة زرت فيها مريض
الربيع الفارط لما كانت جدتي رحمها الله في المستشفى أما بعيدا عن العائلة لما زرت عم واحد صاحبي كان مريض
آخر مرة رفعت صوتك على اخواتك البنات هههههههه(ان شاء الله ماتقوليش كل يوم نرفد صوتي عليهم ههههههههههه راني نضحك برك ))
لا أنا ما نرفعش صوتي عليهم ونشفاش حتى مرة رفعت صوتي عليهم
**عييت من الاجابة على اسئلتي ولا مازال نانو
فشلتييني عندي ساعة وأنا نجاوب ههههههههههههه
ماعليه خويا نانو نزيدلك شوية اسئلة برك مام انا راني عيت من الكتابة هههههه
واش يدير الميت في يد غسالو ههههههههههههههه ديري واش تحبي
**كيف تواجه من يخطئ اليك بكدبة او سوء ظن او تهمة
أطلب له الهداية لكن ندافع على روحي
**حاجة مهمة بزاف نساتها بسومة وعلاه خيرت *ناني 17* بالذات هههههه
ببساطة انا نحب اللاعب ناني ونحب الرقم 7 وبما أنو رقمه 17 درت ناني17 يتوفر على رقمي المفضل وعلى اسم لاعبي المفضل
**انت تعرف تطيب ولالالا
نعرف نقلي الفريت و كذلك الاوملات هذا ما كان ههههههههههههه
كلمة توجهها لشخص اعطاك الكثير
الله يحفظك و ربي يخليك ليا وربي يقدرني ونردلك خيرك
**قداه افراد عائلتك
9 أفراد (الوالدين و 7أبناء)
مشكون تحب بزاف **أمك ام أبوك حفظهما الله **
نحبهم في زوج لكن الوالدة أكثر وهي تحبني بزاف ربي يخليهملي ويشدلي فيهم في زوج
أفضل اسم بنت واسم ولد بالنسبة اليك
آية ومحمد
هل شخسية مشرفنا يوسف في المنتدى هي نفسها في محيطه
نسخة طبق الأصل واللي كاين في قلبي نقولو
وفي الختام
الحمد لله كي كملتي ههههههههه
كيف كانت الجلسة مع اسئلة ابتسام
متعبة كثيرا ههههههههههه ( كانت شيقة وفكرتني في بزاف حاجات ملاح)
وان شاء الله نكون خرجلت قلبك ههههههههههههههكيما تقول انت هههههههههه
ما شي غير خرجتيه راكي قليتيه وكليتيه ههههههههههههه ولا كيما يقولوها الجواجلة ( كليتيه وكليتيه هههههههههه)
صح فطورك خويا يوسف
الله يسلمك ابتسام وانتي زادة أختي
واسمحلي بزاف على الازعاج نانو هههههههههههههههه((هذوا مقبلات برك المرة الجاية نجيبلك عشا لاباس بيه نقصد اسئلة ))هههههههههههه
بالسماح ما كاش مشكل ماكاين حتى ازعاج
يايما هاذو كامل مقبلات فقط ههههههههههههههههه

ابتسام14 كتب:: أسئلة خفيفة جداااااااااا متعلقة بالعضوة ابتسام

ماعليهش وان شاء الله ما يكونوش بزاف كيما اللي قبلهم ههههههههههههه
**واش ريك في العضوة ابتسام
عضوة نشيطة الله يبارك تحب المنتدى وتغير عليه
**حاجة تكرها في ابتسام
استغفر الله بنت فاميليا وما كاش حتى حاجة تخليني نكرها
**حاجة تقلقك في ابتسام
تقلقيني كي تدخلي للدردشة وما تكبريش الخط(B)ههههههههههههههه
**كلمة تحب تقولها لابتسام
يعطيك الصحة على الأسثلة وكذلك واصلي تميزك بالمنتدى
**لوكان تحط ابتسام مقلب بالمنتدى وتطيح انت فيه بكل صراحة تدخل وتقول بلي مقلب مشى عليا
ايه ندخل ونقول مشى عليا لكن على ما أعتقد ملي قلتيلي نخلفلك المقلب تاع الطفل الصيني ما خلفتيهاش لحد الأن هههههههههههه
**كلمة تستعملها ابتسام بصح انت ماتفهمش معاناها
كي ما نفهمش كاش كلمة نقولك لحد الأن ماكاش
**كلمة تقولها ابتسام تحب انت تنحيها من قاموسها
مانيش عارف
**حاجة تبدلت في ابتسام
انظمامها لكبار الشخصيات وكذلك ولات نشيطة أكثر من ذي قبل وكذلك ولات تدخل للدردشة
موضوع حطتوا ابتسام وعجبك بزاف
موضوع
الرسم على الحجر- صور روعة -
موضوع حطتوا ابتسام بصح ماعجبكش خلاص
كي نلقى واحد ما يعحبنيش نقولك
سلااااااااااااااااام يوسف والى الملتقى ان شاءالله
سلام تقبلي تحياتي
ان شاء الله في فرصة أخرى وصح فطورك

بوركت أخي يوسف على الاجابات الرائعة والصريحة شكراااااااااااا لك

يوسف اذا كنت قادر تزيد تجاوب على أسئلتي نزيد نمدلك أسئلة بصح هذي المرة نمدلك بالتقسيط
كل مرة نمدلك سؤال هههههههههه

-هواياتك يوسف؟
-حلمك في الحياة؟
-البرامج المفضلة لديك؟
-ماهو لونك المفضل ؟
-ماالذي يحزنك ؟
-ماالذي يغيظك ؟
-ماالذي يفرحك ؟
-جــريمــة تتمنـــي لـــو تستطيـــع ارتكابهــــا؟
-مـوقـــف صــدمــك ولــن تنســــاه؟
-شـخــص تتمنــي الإنتقــام منـــه؟
-شــئ او شخــص غيــّر مجــري حياتـــك؟

سلام ناني

اليوم الاخير بالكرسي ان شاء الله تكون مليح باه تقدر تجاوب هههههههه

حاجة تمنيتها تكون بحياتك

كي تكمل دراستك بحول الله واش راك حاب تخدم

ان تكون اكبر اخوتك شيئ جميل ام سيئ ؟وهل تذمراحينا من ذلك

هل تحسن رعايت اخوتك بغيب والديك الكريمين

هل اخطات يوما في الحكم على شخص ما

شحل من ضرس نخرتها لك السوسة هههههههه

لو أخطأ في حقك شخص خطا جسيم ماذا تكون دردة فعلك اتجاه مع العلم ان هذا الشخص اعطاك الكثير

ولاية يتمنى يوسف يزورها

دولة تمنيت تزورها

أعطينا امنيتك بالحياة

عضو كنت تستنى فيه باه يحط الاسئلة في الكرسي

أكثر عضو اتعبك باسئلته ((ان شاءالله مانكونش انا برك ههههههههه))

شخص يتمنى نانو ينحيه من حياتو

اقرب فرد لك بالعائلة

هذو هما اسئلتي

وسلااااااااااااااااام

صح فطورك وصح رمضانك

فارس المنتدى كتب:: -هواياتك يوسف؟
نحب الإنترنت وكل ما يتعلق بالرياضة وخاصة كرة القدم متابعة وممارسة
-حلمك في الحياة؟
نكون انسان مفيد في هذا المجتمع ويكون راضي عليا ربي والوالدين
-البرامج المفضلة لديك؟
كل ما يتعلق بكرة القدم وخصوصا نشرات الأخبار للجزيرة الرياضية وكذلك مسلسل وادي الذئاب لأن قصة المسلسل اعجبتني
-ماهو لونك المفضل ؟
الأخضر والأحمر لكن الأخضر أكثر
-ماالذي يحزنك ؟
اذا غلطت بحق كاش واحد ظلما وكذلك اذا شفت والديا زعفانين
-ماالذي يغيظك ؟
الأنسان المحقور والمظلوم وكذلك من يطلب المساعدة وأنا لا أقدر على مساعدته
-ماالذي يفرحك ؟
لما نشوف والديا فارحين وبصحة الدنيا وما فيها وكذلك كي نشوف التراحم بين الناس والجيران نفرح من قلبي
-جــريمــة تتمنـــي لـــو تستطيـــع ارتكابهــــا؟
اللهم لا تجعلنا من المجرمين
-مـوقـــف صــدمــك ولــن تنســــاه؟
وقعت لي حادثة في سنة 2009 لما كنت راح نتحول من جامعة المدية إلى جامعة دالي براهيم سلمت أوراقي لأحد افراد العائلة قال لي سوف أقوم بكل الإجراءات ومن بعد ذلك يتصل بي ويقولي تبخرتلي ورقة من الملف ؟؟ لكن أي ورقة هي تقرير صادر عن جامعة المدية يسمح لي بالعودة للدراسة ولا يمكن منح نسخة أخرى منه
وهذا ما أدى بي إلى تضييع سنة دراسية كاملة بسب تهاون هذا الشخص؟؟؟ ما راحش ننساها طول حياتي
-شـخــص تتمنــي الإنتقــام منـــه؟
لا يوجد واللي غلطو معايا نقولهم ربي يسامحكم
-شــئ او شخــص غيــّر مجــري حياتـــك؟
الشخص اللي صراتلي معاه الحادثة رجعني ما نثيق في حتى واحد للأسف
يا أخي كي جيك من شخص قريب ليك تتأثر بزاف

شكرا أخي فارس على الأسئلة وصح فطورك

ابتسام14 كتب:: سلام ناني
سلام بسومة
اليوم الاخير بالكرسي ان شاء الله تكون مليح باه تقدر تجاوب هههههههه
راني مليح لكن راني زعفان شويا لأنو دالتي اليوم تخلاص ههههههههه
حاجة تمنيتها تكون بحياتك
نكون في شعبة العلوم لكن للأسف ما تحقتش بسب أحد الأساتذة اللي قضى على مسيرتي في مادة الفيزياء
كي تكمل دراستك بحول الله واش راك حاب تخدم
واش كتب المكتوب سواء في مجال تخصصي أو عمل أخر
ان تكون اكبر اخوتك شيئ جميل ام سيئ ؟وهل تذمراحينا من ذلك
كيما يقولو فيه وعليه ، اما التذمر فلا أذكر أنني تذمرت يوما
هل تحسن رعايت اخوتك بغيب والديك الكريمين
نعم ولكن لست أنا من يقوم برعايتهم هناك أخواتي
هل اخطات يوما في الحكم على شخص ما
نعم وهذا لأننا لسنا معصومين من الخطأ
شحل من ضرس نخرتها لك السوسة هههههههه
كاينة وحدة قريب هبلتني ههههههههههههه وهذا بسب ادماني للحلويات
لو أخطأ في حقك شخص خطا جسيم ماذا تكون دردة فعلك اتجاه مع العلم ان هذا الشخص اعطاك الكثير
نسمحلو بكل بساطة لأن خيره أسبق
ولاية يتمنى يوسف يزورها
الصحراء وهناك وهران وتلمسان وان شاء الله نروح نزورهم في كاش عطلة اذا كتب ربي
دولة تمنيت تزورها
انجلترا وتركيا وكما الكل نتمنى زيارة السعودية للذهاب إلى بيت الله الحرام
أعطينا امنيتك بالحياة
يرضاو علينا والدينا ويرضى علينا الرحمان وفوق هاذو ما عندنا مانزيدو
عضو كنت تستنى فيه باه يحط الاسئلة في الكرسي
موتشا وعيسى لكن للأسف لكل واحد ظروف
أكثر عضو اتعبك باسئلته ((ان شاءالله مانكونش انا برك ههههههههه))
بكل تأكيد انتي هههههههههه كامل الوقت وأنا نجاوب على أسئلتك ههههههههه
شخص يتمنى نانو ينحيه من حياتو
اللي ما يحبليش الخير ويبقى غير يتربص بيا
اقرب فرد لك بالعائلة
الوالدة حفظها الله نلقى راحتي كي تكون قدامي
هذو هما اسئلتي
ما كثرتيش هاذ المرة ههههههههههههههههه
وسلااااااااااااااااام

مع السلامة
صح فطورك وصح رمضانك

الله يسلمك وانتي زادة

ابتسام14 كتب:: بوركت أخي يوسف على الاجابات الرائعة والصريحة شكراااااااااااا لك

يوسف اذا كنت قادر تزيد تجاوب على أسئلتي نزيد نمدلك أسئلة بصح هذي المرة نمدلك بالتقسيط
كل مرة نمدلك سؤال هههههههههه

لا شكر على واجب أختي ابتسام
اذن قررتي تمديلي الأسئلة بالقوتا قوت(بالتقطير) ههههههههههههههههه
خوذي راحتك

ماخلاتلي حتى سؤاال ابتسام

khaoula كتب:: ماخلاتلي حتى سؤاال ابتسام

علاش مازالولك الأسئلة باه تسألي هههههههههههه
راني نقصر برك اذا قدرتي تسألي خوذي راحتك

سلام يوسف
وشراك مع الكرسي
صح فطوورك
واش درتوا اليوم للفطور ههه؟
شكون تحب يطيب في رمضان يماك ولا خواتاتك لبنات
علابالي بلي تقولي يعجبني طياب يما ههههههه
واش النصيحة اللي يقدمها لي يوسف
واش هو المنظر اللي يعجبك في الطبيعة
عندك أصدقاء خارج الجزائر؟
زعما في هاد الوقت كاين الصديق الوفي؟
في رايك هل الرئيس بوتفليقة حسن من وضع الجزائر؟؟
واش هي الحاجة اللي تعجبك في الشبان الجزائريين؟؟
واش هو شعورك كي نتا هو الكبير نتاع يماك؟؟
واش راك تخمم دوك يعني فهاد الوقت اللي راك تجاوب فيه هههه؟؟
وين مادة اللي كنت مجتهد فيها فالثانوي؟؟
واش هي الحاجة اللي تعجبك في سطيف؟؟
واش هي الحاجة اللي ماتعجبكش في سطيف؟؟
واش هي الحاجة اللي تمنيتها وما تحققت لك؟؟
هل تحكم على الشخص من أول نظرة؟؟
نتمنى انك قضيت وقت ممتع فهاد الكرسي
نقولك بصراحة رااك جاوبت بروح مرحة بزااااااف
يعطيك الصحة يوسف
وتستاهل الكرسي هدا
خلاص مانديهش ماكتبليش نقعد فيه ههه
بصحتك القعدة
واش هي اخر كلمة تقولهالي فهاد القعدة
ايا خلاصوا صواردك نوووووووووووووووووووض هههههههه
مع السلاامة
اتهلى في روحك
دمت في رعاية الله وحفظه

khaoula كتب:: ماخلاتلي حتى سؤاال ابتسام

مازال الخير لقدام خولة ههههههههههههه
كاينين أسئلة بزاف مازال ماقلناهمش ليوسف هههههههههههههههه

اليوم راني جبلتلك فنجان قهوة باه تكمل اقعدة وباه ماتزعفش عليا هههههههههه

سلاااااامي لك ناني

ماتخافش نانو علابالي بلي كثرت عليك بزاف

نزيد اتحملني شوية برك اقريب تنوض من الكرسي هههههههههههههه

اليك اسئلتي

***** رسوم متحرك حبيتوا مكي كنت صغير

******قداه كنت تحب الحلويات وبالخصوص الشيكولاطة

*****واش رايك في الشخص الي تجاوز 16 من عمره ومازال يتبع الرسوم المتحرك هههههه

***** انت تحب تدير المقالب لاصدقائك وافراد اسرتك

****** ياريت تعطيلنا مقلب درتوا معاهم ههههههههههه

*****ماتنساش تمدلنا مقلب حصل معاك وطحت فيه ومن المستحيل تنساه ههههه

*******اخر وردة بالعالم كانت من نصيبك ؟لمن تهديها

****** 3 ورادت بحوزتك لمن تهديهم

*****هل تعتقد بان بنات النت لايصلحن لشيئ ((قول برك ماتخافش هههههههه))

*****في نظرك ايهما أفضل البنت الجريئة ام البنت الخجولة

****هل تعتقد بان حظك سيئ

****زمن تتمنى العيش فيه

****قداه ان ساعة تقعط قدام الميكروااااا

****عند رخصة سياقة ولالالا

****كم مرة تحلق بالاسبووع

*** صفة سلبية فيك حبيت تغيرها

***سبق و هربت من المدرسه

*** باين عليك بلي هربت بصح وعلاه هربيت هههههههههههههههه

**** لو تشوف اسد متوحش قدامك واش رايح دير ههههههههه

*** ومن هو افضل لاعب في المنتخب الجزائري

*** من هو لاعبك المفضل بعد الاستاذ ناني ههههههههههههههه

***حابة نعرف اذا كان عييت من الاجابة ههههههههههههههه

ماتقوليش راني عييت احنا هذا وين بدينا هههههههههههه

****من هو توام روحك

***شخص لاترفض له طلب

**-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

***أفضل ذكرى بحايتك

***أسواذكرى مرت عليك

***شخص تتمنى ان لايفارقك

*** شخص تعتبره بئر اسرارك

وفي الختام

كلمة توجهها لاعضائنا ومشرفينا لكرام ((يعني الكل ))

كلمة توجهها الى المدير واعطنا رايك فيه

** ماهو تقييمك العام للمنتدى

وسلااااااااااااااااااااام

ان شاء الله مانكونش نقلت عليك وتجاوزت حدودي

واسمحلي بزاف علىالازعاج متاسفة جداااااااااااا

وصح فطورك

كرسي الاعتراف للمشرف nani17 6603395c5a

وهذا الايسكريم باه تحلي القعدة نتاعك ههههههههههههههه

ابتسام14 كتب:: اليوم راني جبلتلك فنجان قهوة باه تكمل اقعدة وباه ماتزعفش عليا هههههههههه
شكرا ابتسام رغم انني مانحبهاش بزاف لكن ماعليهش نقعد بها راسي باش ما نرقدش
سلاااااامي لك ناني

سلام
ماتخافش نانو علابالي بلي كثرت عليك بزاف

نورمال ابتسام ماشي بزاف
نزيد اتحملني شوية برك اقريب تنوض من الكرسي هههههههههههههه
ماشي مشكل عادي جدا
اليك اسئلتي

نبداو على بركة الله
***** رسوم متحرك حبيتوا مكي كنت صغير
كنت نحب الكابتن ماجد وكذلك البوكيمون كنت نخرج من الدراسة نروح نجري للدار باه ما تفوتنيش الحلقة ههههههههه
******قداه كنت تحب الحلويات وبالخصوص الشيكولاطة
بزاف ههههههههههه مرة انا وواحد صاحبي شرينا علبة شكولاطة كبيرة 50حبة من ميمي روش وديناها معانا للقسم في السنة الأولى ثانوي هههههههههههههه(عام مهبول)
*****واش رايك في الشخص الي تجاوز 16 من عمره ومازال يتبع الرسوم المتحرك هههههه
بلاك بسبب عدم وجود الرسوم المتحركة بكثرة من قبل يعني مازال ما شبعش من الرسوم ههههههههههههههه
وهو شيئ عادي كبار وصغار يشوفو الرسوم متحركة وانا لما نكون قاعد جي ليا بنت اختي تقولي ديري الرسوم تاع الخرفان نقعد نتفرج معاها وصراحة يقتلو بالضحك هههههههههههههههه
***** انت تحب تدير المقالب لاصدقائك وافراد اسرتك
ايه مرة على مرة نديرلهم هدة ههههههههههههه
****** ياريت تعطيلنا مقلب درتوا معاهم ههههههههههه
مرة واحد صاحبي نحيتلو مفاتيح السيارة وديتلو نسخة من مفتاح الباب وبعدها حطيت المفاتح داخل السيارة وغلقتها وخليت مفتاح واحد عندي وقلتلو غلطت وغلقت على المفاتح داخل السيارة ههههههههه
قريب هبل ورجع يجري الفوق لتحت يحوس على حل وأنا قلتلو نكسرو الزجاج هههههههههه
وبعد ما شفتو خلاص مشات عليه الحيلة أخرجت المفتاح من جيبي وفتحتها وقريب متنا من الضحك عليه
لكن مازعفش عليا وقالي نخلعت تاع الصح ههههههههههههههه
*****ماتنساش تمدلنا مقلب حصل معاك وطحت فيه ومن المستحيل تنساه ههههه
صرالي مقلب خطرة كنت أنا وأصدقائي رايحين نقراو دخلنا لوحد القهوة باه نشربو قهوة الصباح لكن تخيلو ماذا فعلو لي؟؟؟
أحضر أحد أصدقائي الملح وذهب لصاحب المقهى وقالو بدلنا السكر بالملح لأنهم يعرفوني بلي نحب ناكل الحلو بزاف وندير خمس ملاعق سكر
لما جابلنا القهوة أنا بديت ندير فالسكر(الملح) وهوما دارلهم السكر عندو وقالولي احنا نشربوها بلا سكر أيا مشات عليا
لما ذقت القهوة نلقاها مالحة لدرجة كبيرة فانفجر أصدقائي ضاحكين وأنا كذلك وقالولي هاذ المرة فوتناها عليك هههههههههههههه
المهم عادت جبت قهوة أخرى وتذوقت السكر قبل أن أضعه فيها هههههههههههههه
*******اخر وردة بالعالم كانت من نصيبك ؟لمن تهديها
نهديها لوالدتي حفظها الله
****** 3ورادت بحوزتك لمن تهديهم

وحدة لأمي ووحدة لخطيبتي ولا زوجتي اذا كانت كاينة والأخرى نهديهالك ليك لأنك راكي قايمة بيا مليح فالكرسي
*****هل تعتقد بان بنات النت لايصلحن لشيئ ((قول برك ماتخافش هههههههه))
الأغلبية إلا من رحم ربي
*****في نظرك ايهما أفضل البنت الجريئة ام البنت الخجولة
في زوج عندهم ايجابيات وسلبيات وكيما يقولو رانا أمام جوابين أحلاهما مر ههههههههههه
****هل تعتقد بان حظك سيئ
نعم وبشكل كبير
****زمن تتمنى العيش فيه
لا يوجد انا قانع بزماننا هذا وكيا يقولو كل واحد او وقتو
****قداه ان ساعة تقعط قدام الميكروااااا
بلا حساب ههههههههه مرات 10 ساعات المهم اذا ماكانتش عندي خدمة ولا كاش عفسة نهار كامل وأنا فالنات ههههههههههههه
****عند رخصة سياقة ولالالا
عندي
****كم مرة تحلق بالاسبووع
ماشي كل أسبوع وإنما كل أسبوعين أما مرات فأحلق الجوانب بين التحليقة والأخرى
*** صفة سلبية فيك حبيت تغيرها
نضحك بزاف راني حاب نقس شويا
***سبق و هربت من المدرسه
إيه ههههههههههه
*** باين عليك بلي هربت بصح وعلاه هربيت هههههههههههههههه
هربت مرة لما كنت في الإكمالي وهربنا في الفترة المسائية لمشاهدة مباراة الجزائر وزيمبابوي في كأس إفريقيا20404 بتونس
**** لو تشوف اسد متوحش قدامك واش رايح دير ههههههههه
باين بلي ماكاش الهربة لكن نقولك المهم نشوف حل بلاك نعيط بلاك نهرب ونقعد نجري ههههههههههه
*** ومن هو افضل لاعب في المنتخب الجزائري
مراد مغني بدون منازع لكن الأن أحسن لاعب يتوفر عليه المنتخب هو جمال مصباح ما شاء الله عليه
*** من هو لاعبك المفضل بعد الاستاذ ناني ههههههههههههههه
نحب رياض بودبوز ومغني من الجزائرين ويعجبنيالأرجنتيني دي ماريا والإسباني تشافي هرنانديز
***حابة نعرف اذا كان عييت من الاجابة ههههههههههههههه
هاذ المرة مازال ماعيتش عجبوني الأسئلة ههههههههههههه
ماتقوليش راني عييت احنا هذا وين بدينا هههههههههههه
مازال مازال عندي الطاقة بما أننا تسحرنا قبل قليل ههههههههههه
****من هو توام روحك
صديقي خالد
***شخص لاترفض له طلب
الوالدين
**-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
المهم تكون تحمل في طياتها خيرا وليس شرا أما الشخص فأظن أنه الجمعي لأنه هو من مازال يستعمل لحمام ههههههههههههه
نتمنى تكون من شخص من الأشخاص اللي يحبوني
***أفضل ذكرى بحايتك
تأهلنا للمونديال
***أسواذكرى مرت عليك
عدم تمكني من العودة للدراسة في العام الثاني لي في الجامعة
***شخص تتمنى ان لايفارقك
يما العزيزة
*** شخص تعتبره بئر اسرارك
صديقي المقرب خالد
وفي الختام
الحمد لله كي كملتي هههههههههه
كلمة توجهها لاعضائنا ومشرفينا لكرام ((يعني الكل ))
شكرا لكم على مشاركاتكم التي تسعون بها من اجل الرقي بالمنتدى إلى الأفضل والأحسن دائما
وأقول لهم المنتدى أمانة لدى كل واحد منا فيجب علينا الإهتمام به والمحافظة عليه
كلمة توجهها الى المدير واعطنا رايك فيه
بارك الله فيك أخي فارس على الجهود الي راك تقوم بها في سبيل إثراء منتدانا بكل ماهو مفيد وصالح
جزاك الله عنا خيرا وان شاء الله المجهود نتاعك مايروحش باطل وستجزى بإذن الله على عملك ومجهودك وتجده في ميزان حسناتك بإذنه تعالى
** ماهو تقييمك العام للمنتدى
منتدى منظم ومهيكل جيدا إضافة إلى التنسيق الرائع للواجهة
ما شاء الله عليه منتدى ولا أروع وربي يحفظوا من العين
وسلااااااااااااااااااااام
سلام
ان شاء الله مانكونش نقلت عليك وتجاوزت حدودي
أستغفر الله علاش تثقلي عليا ولم تتجاوزي الحدود وأنتي مشكورة
واسمحلي بزاف علىالازعاج متاسفة جداااااااااااا

أي إزعاج ؟؟؟ ماكان والو أختي وكوني مهنية
وصح فطورك

الله يسلمك وانتي زادة

وهذا الايسكريم باه تحلي القعدة نتاعك ههههههههههههههه
شكرا الله يحلي أيامك
لكن الأن وقد امسكنا يعني راح نحطو فالثلاجة باه يشد روحو وبعد الفطور ناكلو ههههههههههههه

شكرااااااااااا لك نانو على الاجابات
وبارك الله فيك
وجزاك الرحمن كل الخير

khaoula كتب:: سلام يوسف
سلام
وشراك مع الكرسي
لاباس الحمد لله
صح فطوورك
الله يسلمك وانتي زادة
واش درتوا اليوم للفطور ههه؟
درنا :شربة فريك بالتأكيد ، البوراك، لحم لحلو دائما ، دولمة بطاطة وفلفل، فريت أوملات خصيصا ليا ، الشلايظ(تاع الروز ،شلاظة ورق، وشلاظة فلفل مشوي) أما الديسير هناك الدلاع والتين(الكرموس) والعنب وبالطبع القرعة تاع حمود أبيض اللي نموت عليه
شكون تحب يطيب في رمضان يماك ولا خواتاتك لبنات
انا ما نشرطتش فالماكلة المهم كي نجي نلقى الفطور وخلاص
علابالي بلي تقولي يعجبني طياب يما ههههههه
في زوج يعجبوني لكن في معظم الأحيان يما ما طيبش اخوتي مايخلوهاش وما يعطولهاش الفرصة ههههههههه
واش النصيحة اللي يقدمها لي يوسف
تهلاي وشدي في دينك وكذلك نوصيك على والديك
واش هو المنظر اللي يعجبك في الطبيعة
يعجبني الإخضرار ومنظر البحر لما يكون هادئ
عندك أصدقاء خارج الجزائر؟
لا لا يوجد لأني في الفايسبوك عندي غير صحابي اللي نعرفهم أو نعرفهم في كاش منتدى مثل منتدانا
زعما في هاد الوقت كاين الصديق الوفي؟
يمكن لكن يوجد حالات نادرة جدا وتكاد تنقرض هههههه
في رايك هل الرئيس بوتفليقة حسن من وضع الجزائر؟؟
يمكن قول هذا لكن من الأحسن نبعدوا على السياسة
واش هي الحاجة اللي تعجبك في الشبان الجزائريين؟؟
تعجبني فيهم روح حب الوطن وهذا رغم أن معظمهم يقولولك كرهنا في هاذ البلاد خلونا نروحو ...لكن بمجر يكون هناك يتعلق بكرامة الجزائر أو نصرتها تلقاهم هوما اللولين ومفتخرين ببلادهم ... هاذي هي بلادنا نحبوها رغما عنا
واش هو شعورك كي نتا هو الكبير نتاع يماك؟؟
نحس بمسؤلية تجاه والديا بما أني انا الكبير
واش راك تخمم دوك يعني فهاد الوقت اللي راك تجاوب فيه هههه؟؟
راني نخمم فيك وكيف راكي تنتظري فالأجوبة على أحر من الجمر
وين مادة اللي كنت مجتهد فيها فالثانوي؟؟
العلوم والإ جتماعيات في السنة الأولى
والمحاسبة والإجتماعيات في السنة الثانية والثالثة
واش هي الحاجة اللي تعجبك في سطيف؟؟
عين الفوارة
واش هي الحاجة اللي ماتعجبكش في سطيف؟؟
الحاجة اللي ما تعجبنيش هي وقوع الثكنة العسكرية الخاصة بالخدمة الوطنية في مكان معزول وبعيد عن المدينة هههههههههه
واش هي الحاجة اللي تمنيتها وما تحققت لك؟؟
أني نتابع دراستي في شعبة العلوم التجريبية
هل تحكم على الشخص من أول نظرة؟؟
لا طريقتي في الحكم على الأشخاص هو طريقة كلامهم وتعابير وجوههم
نتمنى انك قضيت وقت ممتع فهاد الكرسي
قضيت وقت هايل معاكم ما خليتونيش كامل نرتاح هههههههههههههه
نقولك بصراحة رااك جاوبت بروح مرحة بزااااااف
شكرا خولة هذه هي طريقتي
يعطيك الصحة يوسف
الله يسلمك
وتستاهل الكرسي هدا
شكرا
خلاص مانديهش ماكتبليش نقعد فيه ههه
اليوم خلاص اذا حبيتي تديه اديه هههههههه
بصحتك القعدة
الله يسلمك
واش هي اخر كلمة تقولهالي فهاد القعدة
نقولك شكرا على الإهتمام بيا فالكرسي
ايا خلاصوا صواردك نوووووووووووووووووووض هههههههه
خلاص راني نايض ههههههههههههه
مع السلاامة
إلى اللقاء
اتهلى في روحك
يتهلى فينا ربي
دمت في رعاية الله وحفظه
وانتي كذلك شكرا لك على الأسئلة

» كرسي الاعتراف لمن هذه المرة؟
» كرسي الاعتراف - موتشا -
» كرسي الاعتراف ناس ملاح
» كرسي الاعتراف نسيناه
» كرسي الاعتراف العضوة ابتسام 14