قعدة رمضانية..بوقالات ادخل اختر

قدمت لكم بعض البوقلات وأتمنئ أن تعجبكم:
1-نسول عليك يالحبيب وسوال خير من ألف هدية ساعة على ساعة نتفكر زمان ونقول علاش اللي تمنتوا ما هو ليا.
2-يا مالكتني بزينك يا زايد في عذابي في الليل نومك وفي النهار نترجاك أعطيني كلمة يرحم اللي رباك
3-فاطمة يا فطوم على مولات الحاجب المقرون عليها نخلي بلاد دزاير ونزيد بلاد الروم.
4-في الساقية يغسل في طريفاتو بالمسك العالي وكحل في عويناتو نطاب ربي العالي خليه لميمتو وعالي شانو.
5-أحمد يا أحمد أرواح تشوف حالي راني كالحزين ما عندواالوالي حن عليا وزيني حالي.
6-نحبك قد عسل وأحلاه وقد ذهب وغلاه وقد إسم وعلاه.
7-حنا يا حنا يا معطرة بروايح الجنة جيتي بالسيرة والسنة لخبلك في يدو تهنى
8-دارنا دوار منديل بابا يحب زين ويما تحب التين وأنا نحب شاب مزروق العينين
9-باب مقابل باب وتاقة مقابلة تاقة والعين ومقابلة العين وقلوب مشتاقة
10-يدي في يد خويا ويد خويا بالحنة اليوم سعدوا هو وغدو سعدي انا
11-أهبطت قاع البحر صبت ثلاثة خطابة واحد فارس فرسان والثاني كاشف أحلام والثالث يتمناك اليوم من الأيام.
12-إذا أنت جنان أنا وردة فيك وإذا أنت البحر أنا حوت فيك إذا تحبني أنا نموت عليك
13-جايز على الباب درنا سكران ويترامى قالي أعطيني قطرة ماء أعطتلو كاس ماء ووردة وسيسان أعطني طبق فيه خزخ ورمان.
14-ماني طبسي نتكسر ماني وردة نذبال راني خاتم من ذهب في يد سيدي رجال.
15-شجرة عند الباب وطرف أخصانها من ذهب ناديت على لحباب جاء طير جاب معاه جواب وأنقب خبر الحب
16 -عمي يا عمي شد وليدك عليا انا نلقط الزهور هو يتبلى فيا لوكان تنطبق السما على الار ض ما يتزوج بيا
17- الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب
18يا شمس واشبيك ذابلة ، إذا بيك الزين راني نفكر فيك ، و اذا بيك الزهر ربي ما اخليك
19- جزت على جنية ،قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت يولي لي
20- طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس ..

والله غير كامل شابين وفور بزااااااااااااااف

واكثر وحدة عجبتني هي هذي
-فاطمة يا فطوم على مولات الحاجب المقرون عليها نخلي بلاد دزاير ونزيد بلاد الروم.

مشكووووووووووووور أسامة على الموضوع الجميل والرائع
بوركت على الابدااع الفذ

و الله كامل شابين مشكور اخي اسامة
واللي عجبتني
نسول عليك يالحبيب وسوال خير من ألف هدية ساعة على ساعة نتفكر زمان ونقول علاش اللي تمنتوا ما هو ليا.

6-نحبك قد عسل وأحلاه وقد ذهب وغلاه وقد إسم وعلاه.
هذا واش طاحلي
بارك الله فيك

[ندعوك للتسجيل في المنتدى أو التعريف بنفسك لمعاينة هذه الصورة]

-باب مقابل باب وتاقة مقابلة تاقة والعين ومقابلة العين وقلوب مشتاقة

يعطيك الصحة أخب أسامة هاذي عجبتني

» رسائل رمضانية اجمل مسجات تهنئة رمضانية
» بوقالات بلاحدود انوي وعقد
» اختر أين ستقضي عطلتك؟؟؟
» اختر واحد من خمسة
» اختر من 1إلى 25 وقرأ نصيحتك