دُنيا البهايم

ملاحظه ( القراءه با اللغه العاميه المصريه )

دنيا البهايم

اصحى يا نايم
في دنيا البهايم
لا لقمه تفوتك
او ضربه تشوتك
تحدد مصيرك
تقرب لموتك
تخلي اليتامى
تشاركك في قوتك

وخليك مفتح
يا ابن الملوح
سمكها الصغير
تطعميه لحوتك
دي دنيا البهايم

في دنيا البهايم
مفيش حد دايم
لو بنى قصورو
واثبت حضورو
حينطفي نورو
والله اللي دايم
\
خلقها وكرم
بشرها وحرم
وحلل وانعم
علينا العطايا

نبيه هدانا
ودايما معانا
ينور حياتنا
ينور سمانا

نسينا النصيحه
وسيبنا المليحه
وهوينا الفضيحه
والنحس جانا

نسيناالبلاد
وسيبنا الجهاد
وشعرنا ابيض
لكن ولاد

فلسطين الابيه
صارت سبيه
وصارت تنادي
فينكم ولادي
محدش جوابها
والكل سابها
ليوم العباد

كتفنا الايادي
وسيبنا الاعادي
يحوموا في دارها
ويطفوا في نارها

ولسا بنشجب
ولسا بنكتب
ولسا بنكذب
ولسا بنرفع
رايات الجهاد

دي قصه غريبه
وفعلا عجيبه
وقعنا بمصيبه
وفات الميعاد

ما تصحى يانايم
في دنيا البها يم
وتصلح في سيرك
وتصحي ضميرك
ويكفيك عناد


الشاعر الفلسطيني الشعبي
موسى رباع