السلام عليكم و رحمة الله و بركاته
تحية طيبة لكل عائلة تبلاط والجزائريين في كل مكان .
حبيت ندير اليوم موضوع خفيف حول المنتخب ...
و اوجه رسالة عنوانها هو : لازم تفهمو ..
الرسالة الى لي ماراهش عاجبهم الحال النتائج المحققة من طرف المنتخب و خاصة من طرف المعارضين لسياسة المدرب رغم نجاعتهاصراحة انا الناس هادي ما فهمتهاش كيفاه تخمم .. و يقولو " دورو وجوهكم باول خسارة للمنتخب و للمدرب " او " نكارين الخير " و نسيتو بلي سعدان فعل و قام"
اخواني حنا ما ننكروش عمل سعدان و لا اي واحد قدم للمنتخب و ما هو واجب عليه .
و لكن نكونو واقعيين .. الاداء تبدل يا ناس .
وقت لي نشوفو الكرة توصل لل18 متر لمنتخب الخصم , هادا شيئ كان نادر الحدوث في وقت سعدان .
كنت مشتاق نشوف لعب هجومي لعب الى الامام دائما .. كنت نتفرج الماتش و الضغط و الخوف كلي رانا نلعبو نهائي كأس العالم , و ماهي الا مباراة مع مالي . او تانزانيا , ... الخ .
و ليكن في علم الجميع . اننا قبل ما نكونو جمهور نتائج ، حنا جمهور أداء .
نعم و نقولها بالبنط العريض حنا جمهور أداء بغض النظر عن النتيجة
نحبو اللاعبين يقدموا لي عليهم , يشمخو التريكو , و نشوفو اداء جميل .
وفق خطة تكتيكية واضحة , نحبو نشوفو تغييرات في محلها و تكون في المستوى . نحبو نشوفو منتخبنا يقدم لي عليه دفاعيا . و هجوميا و بغض النظر عن النتيجة سواء كانت خسارة او فوز ، نتمنى االفوز في كل الاحوال و لكن اذا خسرنا فليس نهاية العالم ما نلومو لا المدرب لا اللاعبين و ما نرغموهمش على الفوز .. المهم ان المنتخب قدم لي عليه .. عكس الوقت لي فات , وين كنا نخسرو بالاداء و النتيجة , و هذا ما كان يحزننا . صح كنا نفوزو برك و باهداف من مدافعين و كرات ثابتة .. و لكن مع ذلك الاداء كان تحت المتوسط .. باستثناء بعض المباريات .
ان شاء الله تكونو فهمتوني . و الفكرة وصلت للجميع . خاصة المعادين للمدرب و الي يقزمو العمل تاعو ..
و أخيرا .. نحن مع اي مدرب
الى الامام ..ثورة ثورة في المنتخب .[/color]
.
الأحد 10 يونيو 2012 - 16:31
