لنسترجع ذكرياتنا

اولا : المرحلة الإبتدائية

1- هل تعرضت للضرب من قبل الأكبر منك سنا في الابتدائي ؟
----> لا الحمد لله لم أتعرض للضرب ... كنت ندير كاراتي
2- كنت تدي معاك الأكل ؟
لا ما كنتش ندي الأكل . كنت نسكن قدام المسيد
3- موقف محرج صرالك ؟
ما كنتش نحب نقراوكان الشيخ بابا يجي معايا للمسيد يحطني و الناس كامل يشوفو و يضحكوا ....هههه جابو باباه

4- موقف محزن ؟
----> مرة جيت أنا الأول .... و ماعطاونيش هدية

5- موقف مضحك صرالك ؟
-----> مرة كنا في الشتاء كانت وحد البنت تلبس نفس المعطف ديال صاحبي ... رحت نجري موراها و نزقيلهابآسم صاحبي ... كي وصلت ليها ضربتها على كتفها كي شافت فيا .... لقيتها بنت ماشي صاحبي ...هههههههه حشمت

6- يوم لا يمكن تنساه ؟
يوم حصولي إجرائي لعملية جراحية وأنا صغير

7- واش كنت تحمل تولي كي تكبر ؟
-----> كنت نحلم نولي محام .... والحمد لله


10- باش كانو يضربوك التيو ، المسطرة حاجة اخرى اذكرها ؟
- كان وحد الأستاذ في السنة الثالثة يضربنا بالدبزة والدماغ .... بصح الحمد لله ... واحد ما ضربني لأنني كنت من النجباء .

11-هل اعجبت/ي و كم من واحد/ة ؟

ههههههه... مممممممممم

اولا : المرحلة الإبتدائية


1- هل تعرضت للضرب من قبل الأكبر منك سنا في الابتدائي ؟

ممكن منيش متذكر

2- كنت تدي معاك الأكل ؟

اكيد

3- موقف محرج صرالك ؟

اكيد صراولي بصح منيش متذكر

4- موقف محزن ؟

كيضربني المعلم نزعف

5- موقف مضحك صرالك ؟

متذكرتش نسيت

6- يوم لا يمكن تنساه ؟

بصراحة المرحلة الابتدائية تقريبا نسيتها

7- واش كنت تحمل تولي كي تكبر ؟

مكاش عندي هدف معين

8- اسم مدرستك الابتدائية ؟

سيدي سليمان القديمة

9- كنت تخاف من الضرب ؟

اكيد

10- باش كانو يضربوك التيو ، المسطرة حاجة اخرى اذكرها ؟

العصي هههههه

11-هل اعجبت/ي و كم من واحد/ة ؟

نسيت


ثانيا : المرحلة المتوسطة


1- هـل كنـت مـن الزوار الدائمـين للإدارة ؟

اكيد كنت مسؤول قسم

2- اسم متوسطتك ؟

ابوكامل الشجاع بن اسلم

3- موقف محرج صرالك ؟

خرجتني الاستاذة من القسم امام المدير

4- موقف محزن ؟

جبت معدل ناقص

5- موقف مضحك صرالك ؟

كاين بزاف واش نقول واش نخلي

6- يوم لا يمكن تنساه ؟

تقريبا ليمات الكل عادي

7- هل اعجبت/ي و كم من واحد/ة ؟

الوحيدة لاعجبت بيها هي اساذة العربية مشاء الله عليها


ثالثا : المرحلة الثانوية

1- هـل كنـت مـن الزوار الدائمـين للإدارة ؟

مين ذاك

2- اسم ثانويتك ؟

شريف محمد بن شبيرة

3- موقف محرج صرالك ؟

كاين بزاف مكنتش متفاهم مع الاساتذة

4- موقف محزن ؟

لالا مكاش

5- موقف مضحك صرالك ؟

تقريبا مكاش

6- يوم لا يمكن تنساه ؟

مكاش الكل كيف كيف

7- راك كبرت دوكا هل سبق و تخاصمت مع أستاذ ؟

مع بزاف ولا الكل منيش عارف عمري متفهمت معاهم

8- بصراحة تغش ؟ و هل كنت تغشش الناس ؟

للاسف غشيت وغششت معايا

9- هل اعجبت/ي و كم من واحد/ة ؟

اكيد كاين لعجبوني بزاف

اولا : المرحلة الإبتدائية


1- هل تعرضت للضرب من قبل الأكبر منك سنا في الابتدائي ؟
1- هههههههههههه نعم كانت وحد الطفلة شريرة تقرا معانا

2- كنت تدي معاك الأكل ؟
2- بزآآآف مرات كنت نديرها

3- موقف محرج صرالك ؟
3-مرة بعتتني الشيخة لواحد القسم و معرفتش وين جاي دخلت عند واحد القسم قالي الشيخ راكي غالطة زعفت و سبيتو امبعد قال لشيخة نتاعي و سبتني تاني ههههههههه

4- موقف محزن ؟
4- كانت عندي صديقة ماشاء الله العام الاخير فرقو بيناتنا تاع القسم الآخر توحشتها و الله .

5- موقف مضحك صرالك ؟
5- هههههههه مرة طلعت للمصطبة و زلقت طحت ههههههه

6- يوم لا يمكن تنساه ؟
6-نهار اللي طاح خوي و انفتح من راسو خلعني و الله

7- واش كنت تحمل تولي كي تكبر ؟
7- كنت نحلم غير بطبيبة .

8- اسم مدرستك الابتدائية ؟
8- مدرسة الشهيد مسعودان بوجمعة .

9- كنت تخاف من الضرب ؟
9-وي بزآآآآآآآآآآآف.

10- باش كانو يضربوك التيو ، المسطرة حاجة اخرى اذكرها ؟
10- مطرق تاع الزيتون هههههه.

11-هل اعجبت/ي و كم من واحد/ة ؟
11- لالا و لا مرة في الابتدائي .




ثانيا : المرحلة المتوسطة


1- هـل كنـت مـن الزوار الدائمـين للإدارة ؟
1- نعم لكن بصفتي مسؤولة لقسم فقط.

2- اسم متوسطتك ؟
2-اكمالية محمد بلطرش.

3- موقف محرج صرالك ؟
3-مرة استاذ اللغة الفرنسية عيطلي هو كان يقري في السنة الرابعة و انا كنت السنة الاولى باش نوريلهم واحد الفعل كيفاش يتصرف (زعمة باش يزوخ يقوللهم هي سنة اولى و عرفت و انتوما لالا) لكن في أخر المطاف حتى انا معرفتش هههههههه

4- موقف محزن ؟
4- نهار اللي بدلونا هذا الاستاذ تاع الفرنسية في السنة الثالثة و كأنو مقريتش هاذاك العام فرنسية لأنو كان ماشاء الله و واحد ميقدر يعوضو.

5- موقف مضحك صرالك ؟
5- مرة في حفلة 16 أفريل زعمة ديرت واحد الاوبرا و في هذي الأخيرة كان لازم يقيدوني لاني نلعب دور فلسطينية امبعد اللي قيدني حكم اللربطة مليح و كي جا دوري باش نهرب مقدرتش حتى حبسوها و فكولي الربطة باش عاودناها ههههههههه

6- يوم لا يمكن تنساه ؟
6-نهار اللي ربحنا في المسابقة كان يوم روعة خاصة جابونا فيه أعضاء الفهامة الي يلعبو في التلفزيون الجزائري.

7- هل اعجبت/ي و كم من واحد/ة ؟
7- تاني ولا مرة .



ثالثا : المرحلة الثانوية

1- هـل كنـت مـن الزوار الدائمـين للإدارة ؟
1- لالا منروحش للإدارة تاع الليسي كامل.

2 - اسم ثانويتك ؟
2- ثانوية الشهيدين أحمد و محمد جغدلي.


3- موقف محرج صرالك ؟
3-هههه مرة كنت نطل من النافذة بعدها وحد الطفلة شارت بلي أرواحي مي هي ماكانتش معايا و انا هبطت ليها ههههههه بعدها قاتلي مكنتش معاك هههههه انا تنرفيت بزآف

4- موقف محزن ؟
4- هذا العام صراولي عدة مشاكل اهمها اني هبطت في الفصل الثاني في المعدل لسبب تافه .

5- موقف مضحك صرالك ؟
5- و الله لحد الآن ماكانش مي مازالي عام في الليسي بلاك عام الباك يكونو فيه مواقف مضحكة.

6- يوم لا يمكن تنساه ؟
6- ماكاين حتى يوم لأنو أسمط حاجة اني دخلت للليسي .

7- راك كبرت دوكا هل سبق و تخاصمت مع أستاذ ؟
7- نعم هذا العام تخاصمت مع استاذ الرياضيات و كان جزائي أنو قسملي معدل الرياضيات على 2.(الشح في).

8- بصراحة تغش ؟ و هل كنت تغشش الناس ؟
8- و الله منكذب عليك لاني الولى في القسم منطمعش قع نغش لكن نوري منكذبش ههه.

9- هل اعجبت/ي و كم من واحد/ة ؟
9- مممممممم نجاوب بكل صراحة نعم لدرجة كبيرة لكن الحمد لله فقت و عرفت بلي سن مراهقة فقط حاجة متصح فيه و ضرك قلبي عاطل و الحمد لله .

اولا : المرحلة الإبتدائية
1- هل تعرضت للضرب من قبل الأكبر منك سنا في الابتدائي ؟
ايه هههههههههه

2- كنت تدي معاك الأكل ؟
اديت معايا مدة 4 سنين والعامين الاخيرين بدلت المدرسة وليت مانديش

3- موقف محرج صرالك ؟
منيش متفكر

4- موقف محزن ؟
على حساب علمي مكانش

5- موقف مضحك صرالك ؟

6- يوم لا يمكن تنساه ؟
مكانش يوم محدد

7- واش كنت تحمل تولي كي تكبر ؟
طبيب بصح تبخر الحلم و رااااااااح

8- اسم مدرستك الابتدائية ؟
قريت في زوج مدارس
الاولى ابتدائية طارق بن زياد من السنة 1 الى 4
والثانية ابتدائية بن عبيد الشريف كملت فيها العامين اللي بقاو


9- كنت تخاف من الضرب ؟
ايه كنت نخاف منو بزاف

10- باش كانو يضربوك التيو ، المسطرة حاجة اخرى اذكرها ؟
للاسف استعملوا الاساليب هذي الكل

11-هل اعجبت/ي و كم من واحد/ة ؟
؟؟؟؟؟؟؟؟؟؟؟؟



ثانيا : المرحلة المتوسطة


1- هـل كنـت مـن الزوار الدائمـين للإدارة ؟
لالالا كنت ناس ملاح بزااااااااااااااااااااااااااف

2- اسم متوسطتك ؟
اكمالية مقدم عبد المجيد

3- موقف محرج صرالك ؟
كنت خارج من الاكمالية وكان غاشي بزاف يدازو بحذا الباب طيحوني ههههههههههههه


4- موقف محزن ؟
منيش متفكر


5- موقف مضحك صرالك ؟
هو مش مضحك عندي بصح واحد الاستاذة خلاتني واقف حصة كاملة عندها والسبب اني مالقيتش كرسي

6- يوم لا يمكن تنساه ؟
مكانش يوم محدد

7- هل اعجبت/ي و كم من واحد/ة ؟
؟؟؟؟؟؟؟؟؟؟؟؟؟؟؟؟؟؟



ثالثا : المرحلة الثانوية

1- هـل كنـت مـن الزوار الدائمـين للإدارة ؟
لالا
2- اسم ثانويتك ؟
متقن اسماعيل بوعافية

3- موقف محرج صرالك ؟
يوم سقطت في السكالي ههههههههههههه

4- موقف محزن ؟
مكاااااااااااااانش

5- موقف مضحك صرالك ؟
بزاف واش نقول واش نخلي

6- يوم لا يمكن تنساه ؟
يوم اعلان نتائج البكالوريا والليلة اللي سبقت الاعلان

7- راك كبرت دوكا هل سبق و تخاصمت مع أستاذ ؟
لالا جامي كنت نقرا مليح وناس ملااااااااااااااااااااااااح

8- بصراحة تغش ؟ و هل كنت تغشش الناس ؟
الغش مانغشش بصح نوري للي بحذايا للاسف

9- هل اعجبت/ي و كم من واحد/ة ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا : المرحلة الإبتدائية


1- هل تعرضت للضرب من قبل الأكبر منك سنا في الابتدائي ؟
مانيش شافية بصح راني متذكرة مليح بلي ضربتني وحدة قدي في العمر كرشتني من عيني قريب عماتني هذا كامل لاني كنت عاقلة وكانت لاطاي تاع صغيرة هههههه

2- كنت تدي معاك الأكل ؟
لالا كنت ندي معايا غير الحلوى

3- موقف محرج صرالك ؟
داقيت انا وبنت عمي قدام الناس هههههههه /كي نتفكرها نحشم من روحي /

4- موقف محزن ؟

نهار دار استاذي اوكسيدو خطيرة بزاف ثم انا زعفت عليه

وثاني كي مات جدي الله يرحمو

5- موقف مضحك صرالك ؟
خربشت وجهي بالستيلو الاحمر ورحت نروح والي نلقاه في الطريق يقولي انت واش صار لوجهك هههههه *الحمد لله ياربي كي كانت الابتدائية قريبة للدار وماشافونيش ناس بزاف هههه*

6- يوم لا يمكن تنساه؟

كاينين أيام بزاف

7- واش كنت تحمل تولي كي تكبر ؟

طبيبة


9- كنت تخاف من الضرب ؟
بزاف
10- باش كانو يضربوك التيو ، المسطرة حاجة اخرى اذكرها ؟

هذو كامل وزيد الكف والمطرق تاع الزيتون وحوايج خلاف

11-هل اعجبت/ي و كم من واحد/ة ؟

امممم استاذة الفرنسية كانت هايلة


ثانيا : المرحلة المتوسطة


1- هـل كنـت مـن الزوار الدائمـين للإدارة ؟
لالا كنت مرة في الفال


3- موقف محرج صرالك ؟
نهار زعكني الاستاذ كي تبسمت مع وحدة من صحباتي وبكيت حتى نشفو دموعي

4- موقف محزن ؟

تلقينا نبأوفاة زميل لنا بالقسم الله يرحمو
5- موقف مضحك صرالك ؟
كي كنت نقرى في 3متوسط بعثني الاستاذ للقسم تاع 4 باه نجيبلو دفتر النصوص انا وقفت في الباب باه نستاذن وانا هكذاك حتى لقيت الباب ضرتني لانو الاستاذ تاع القسم افتح الباب

في هذيك اللحظة حسيت بلي الدنيا دارت بيا ههههههههه

6- يوم لا يمكن تنساه ؟

نهار خسرنا القسم تاعنا وماداش الكاس

ونهار رحت اناومجموعة من البنات نقرعجو على احد الاقسام هههه
شافونا التلاميذ تاع القسم وقعدو يشوفوا معنا الاستاذ يشرح وهم مامنتبهينش ليه خلاص جا الاستاذ لينا وقلنا واش لوكان نديكم لعند المدير وهو الي يسقمكم هههه
واحنا حاولناه وقلنالو بلي مانزيدوش نعاودوها ههههه

7- هل اعجبت/ي و كم من واحد/ة ؟

نعم أعجبت باساتذتي وبمتوسطتي


ثالثا : المرحلة الثانوية

1- هـل كنـت مـن الزوار الدائمـين للإدارة ؟
لالالالالا



3- موقف محرج صرالك ؟

نهار رماني الاستاذ تاع الانجليزية بدفتر النصوص كي كنت نحكي مع صحبتي بص الحمد لله جات سلامات هههه لحد الان مانيش عارفة حتى كيفاه جا دفتر النصوص لطاولتي هههههه
4- موقف محزن ؟

لالا ماكناش الحمد لله
5- موقف مضحك صرالك ؟
كنا نكرهو الاستاذ تاع الفرنسية وفي الفصل الاخير كان الغياب في الكلاسة بزاف واحنا كامل رفدنا حوايجنا بااه نقعدو في الاخير هذا قبل مايدخل الاستاذ
ولما دخل تشوكا كي شاف الطاولات في القدام فارغين وفي الاخر مليانين
ممبعد ولا يجري ورانا في الكلاسة واحنا هاربين منو كل واحد لبلاصتو ههههههههه
انا قريب غشيت من الضحك حتى محفظتي ماقدرتش نرفدها هههه
6- يوم لا يمكن تنساه ؟

يوم جرات ورانا المراقبة ههههههههه
هي تجري واحنا نجرو وقالتنا عبارتها الشهيرة *كلبات جيت لهنا باه نلعب معاكم غمايضة والله ماتفوتلكم هكذا *كنا عرام تاع البنات وقدرنا نهربو منها ورحنا قبالة لقاعة المطالعة باه ماتلقاناش زعما درنا رواحينا نقراو في الكتابات ههههههه
والله احنا مادنا والو هي الي كانت شريرة وماترضيها حتى حاجة ههههه ماتحبناش كامل ندوروا في الساحة واذ شافتنا نذوقوا منها الويلات *الله يسامحها هذا مانقوللها *
7- راك كبرت دوكا هل سبق و تخاصمت مع أستاذ ؟
لالالالالالا

8- بصراحة تغش ؟ و هل كنت تغشش الناس ؟

كنت غير نمد الاجابة وسيرتو للذكورة

كانو يحاولوني ويدعولي باه نعتلهم

وكي نشوفهم هكذاك يغيضوني ومن ثم نبعثلهم واش كتبت