السلام عليكم
خلي نحكيلكم حكاية
هذا واحد الزوج يعني راجل ومرتو بابهم ديما مفتوح للضيوف
هذا داخل هذا خارج
غداوات , قهاوي ,عشاوات
كرهو وقرروا يديروحل
ناضوا الصباح قرروا ما يفتحو الباب حتى لواحد مهما يكون
حطت الزوجة الغداء وجمعو هما قالوا بسم الله الباب دق دق الزوج ناض وقف وراح يطل يشوف شكون رجع قالها : هذا بابا ولازمني نفتحلو الباب .
قالتلو : أبدا وما تصراش الاتفاق هوالاتفاق ما تفتحلوش .
قالها :يا امراة عيب بابا في الباب وما نفتحلوش ؟
قالتلو : والو أقعد تتغدى ظرك يطبطب كي يكره يروح .
.
ماعليش فات زمان زاد دقدق الباب اووو قالتلو باباك رجع ؟ما تفتحلوش قالها اواه هذا مش دقديق بابا راح طل من العين السحرية هاهاهاها او باباك برك ورجع قعد شافت معاه قالتلو :بابا ؟ افتحلو تشوف قالها أبدا ياخي تفاهمنا قالتلو ماشي كيف كيف بابا لازم تفتحلو قالها ما نفتحش -تفتح -مانفتحش قالتلو :افتح لبابا ولا طلقني قالها: ماعندكش كلمة ياخي تاهمنا قالتلو : قلتلك خير يا تفتح لبابا يا نخرج نروح ما تزيددش تشوفني قالها : ماعليش وافتحلو الباب . داروا الأيام وحملت الزوجة وجابت ولد. الزوج لما سمع بانو رزق بولد تصرف كأن شيئا لم يكن عادي وبعد سنوات زادت مرتو ولدت وهذا المرة جابت بنت الزوج استقبل الخبر بالفرح وذبح سبع7خرفان وعرض الناس الزوجة قالتلو :والله حرت فيك الناس يفرحو بالذكر ووانت هذي بنت درتلها هذا الشان ؟
جاوبها :أنا نفرح للي تفتحلي الباب .
وانتوما شباب تفتحو الباب لباباكم وتسمحو في نساكم؟
وانت اختي تفحي الباب لباباك ولا تموتي على كلمتك وكم راح شيخك يروح باباك؟