الحرارة و شهر رمضان الكريم ...موضوع لي النقاااااااااااااااش!!!!!!!!!!!!!

[center]السلام عليكم و رحمة الله و بركاته
واش راكم خاوني التبلاطيين ان شاء الله راكو ملاح
حبيت تدير هذا الموضوع رغم انو مزال الحال شويا عليه لكن اليوم مع ارتفعاع درجة الحرارة بنادم الجمعة و ماقدرش يصليها مابالكم نكونو صايمين
احنا على الرغم انو رانا شباب و مازلنا صغار و ماقدرناش ملا ربي يكون في عون الكبار و الشيوخة
ان شاء الله ربي يقدرنا باش نصوموه على اتم وجه
صح في الايام الاولى نكونو مازال ما والفناش و من بعد مع شويا كوراج نكملو الصيام كما يرضى ربي سبحانو
انا عندي اقترح لوكان الواحد يصوم هادو اليمات و لا شويا قبل رمضان كاش يومين و لا 3 باش يعود الجسم تاعو على التحمل لانو اثبتت الدراسات انو جسم الانسان قادر على التحمل عندما يتعود على شيء ما و ان شاء الله كي يوصل رمضان نكونو واجدين و من جهة اخرى ربي سبحانو كي شرع علينا الصيام علابالو فائدته ...
انا غير كما كان عندي نذر صيام 3 ايام و الحمد لله ربي قديرني باش صمتهم
صح فاليوم الاول عييت شويا بصح من بعد والفت
ان شاء الله مايكون غير الخير خصوصا بالنسبة للاشخاص المسنين و المرضى و كذلك الاطفال
ربي يقدرنا و يوفقنا لكل خير
سلام [/center]

بارك الله فيك اخي على اثارة هذا الموضوع الذي يهم و يخص الجميع

الحمد لله كي وفقك ربي و قدرت تكمل النذر نتاعك
الصيام فيه حكمة من عندك الله سبحانو انو يعطينا القوة و القدرة باش نصوموه
وراني شافي العام لي فات قبل ايام من الصيام كنت نتسائل مع روحي و قلت رمضان نتاع هذا العام كيفاش الواحد راح يقدر يكملو في هذي السخانة

وكي وصل وقت الصيام انخلعت كيفاش رانا صايمين و ربي قدرنا على اننا نكملو الشهر في احسن الاحوال صحيح يكون فيه شويا تعب لكن الحمد لله قدرنا نصوموه عادي


يعطيك الصحا على الموضوع واصل تميزك و نشاطك في المنتدى

الله يسلمك شكرااااا على مرورك العطر

يعني صح خوية مي والله غير ربي يقدر عبادو هادي حاجة ربي يحبها وربي يعاونا ويقدرنا
يعني الحمد لله انا ربي مقدرني نصوم الاثنين والخميس صافي مانحسش بزاف قضية ولف برك اخي
وربي معانا

[quote="حمامة الامان"]يعني صح خوية مي والله غير ربي يقدر عبادو هادي حاجة ربي يحبها وربي يعاونا ويقدرنا
يعني الحمد لله انا ربي مقدرني نصوم الاثنين والخميس صافي مانحسش بزاف قضية ولف برك اخي
وربي معانا[/quote]
ان شاء الله للجميع
الله يبارك ان شاء الله ربي يتقبل صيامك
مليح كي الانسان يولف روحو خصوصا فالصيام
لا ننسى قول الحبيب صلى الله عليه و سلم __صوموا تصحوا__
شكراااا على مرورك

الله يقدر و يجيب لي فيه الخير ان شاء الله ...

ربي يقدرنا على صيامو وربي مفيه غير الخير
فلنتوكل على اللله وهو المعين
شكرا على الموضوع

ان شاء الله ربي يقدرنا
ويتقبل صيام و قيام كل المسليمن

علابالك وليت للموضوع بسك نهار الجمعة الامام ديالنا دار خطبة على شهر رمضان وعلى الناس لي راهم يقولو كيفاش راح يجوزلنا رمضان هادي حاجة عيب نقولوها ولا كاين ناس يرقدو حتى قريب المغرب ولا العصر واش راح نقولو غير ربي يهدينا