كيف كان اول يوم صمته فعلا في حياتك؟

باسم الله الرحمان الرحيم
اخوتي الكرام يقال ان لكل شيء مرة اولى في حياتنا
وبالطبع الصوم من هذه الامور
اطرح هذا الموضوع الخفيف
لنسترجع معا طفولتنا و كالعادة نكشف بعض الامور التي عندما نتذكرها نبتسم ابتسامة فريدة من نوعها وليس لها مثيل




من العادات الجميلة للاسرة الجزائرية انها تحتفل بصوم اول يوم لابنها لتشجيعه على المواصلة وعلى حب هذه العبادة

فالسؤال المطروح هو :

كيف كان اول يوم صمته فعلا في حياتك؟(يعني يوم ما صمت اليوم كلو لانو الجميع بدأ بصيام نصف يوم و اكمال النصف الاخر في اليوم الموالي هههههههه)
هل كان يوم ممتع..او يوم عصيييب..؟؟
كيف كانت ردة فعل العائلة ام لم تكن هناك ردة فعل اصلا هههههههههههه؟
كيف كان شعورك قبل الاذان بقليل ؟

اترك لكم حرية التعبير عن ذكرياتكم
يسرني جدا مروركم
تقبلو تحياتي
رمضان كريم

اليوم الاول شفت النجوم في وقت العصر هههههههههههه
بصح الان اصبح ذكرى جميلة عندي و اضحك كلما تذكرته

الله يبارك طوارف
حاجة مليحة كي راكي شافية
انا نشفى اول يوم صمتو قلتلهم بسيف نصوم نصن نهار وغدوة ان شاء الله نكمل
عيااااااااو باش فهموني بلي لازم نصوم نهار كامل
شكرااا على مرورك

شكرا على الموضوع والفكرة الرائعة
اول يوم صمتو ههههههههههههههههه
صمتو غير على الاكل والماء كنت نشرب
كان عمري 5 سنين وعندبالي الصوام غير على الاكل
وكنت نصوم وبعد يومين شافتني اختي وانا نشرب
قاتلي مشي راكي صايمة
قلتلها ايه علاش قاتلي امال علاش راكي تشربي قلتلها امال كيفاش
وفهمتني
وذرك كي نتفكرها نترتق من الضحك
هههههههههههههه
شكرا على الموضوع

ناس ملاح كتب:

و الله يا انت يا رتاج وحدك انت
لوكان جا الصيام غير علىالماكلة رانا نصومو الدهر و ما ينفعش
هههههههههههههههههههه
صح الواحد مليح كي يتفكر هاذو الامور و شيء جميل كي يكونو عندو ذكريات كما هكا
و نوصيك حاجة كي تكبر ان شاء الله و تتزوجي و يكونو عندك الذراري اوعديني تحكيلهم هذي الحكاية
شكرا على مرورك

هههههههههههه
شكرا ونوعدك راح نحكيهالهم اسيدي وعد مني
وشكرا على التعليق على ردي
دمت متميزا ومتألقا معنا

يسلمك خويا
دمتى لنا بردودك القيمة

ههههههههه شكرااا على الموضوع اخي ناس ملاح
راك رجعتنا لايام الصغر
اليوم الاول كان صعيب صعيب بزاااف وكنت كل ساعة نزيد ننقص شويا حتى كي كان قريب ياذن حبست الهدرة كامل مع الناس هههههه
وليت نهدر بالاشارة برك الفيزبلات كامل كانو حمورا طافيين
بصح على فكرة فالسنوات الاخيرة راني نشوف بلي الاطفال راهم يبداو يصوموا كبار فالعمر
انا نشفى بلي بديتو صغير و كان التنافس على اشدة شكون يوم اكثر فالشهر نتاع رمضان مرات نكون مريض و ماشي قادر بصح نكمل بسيف على جال المنافسة و باش منخسرش الحرب ههههههههه

فكرة رائعة مشكوووور عليها

شكراااااا فارس على مرورك
صح بكري ماشي كما دوك
حنا بكري كي كان باب سيدي و ماني حيين كنا نتلاقاو معظم العائلة _عمومي و عماتي و ولادهم كي مايكونوش مشغولين_و في ليلة القدر كانو جدي يعلمنا نصومو ولي كان فينا صغير و صايم كان يمدلو كاش كادو ولا دراهم .....

اييييييييييييييييييييييييه على يمات زمان ثم كانت الدنيا حلوة بصح ذرك ارواح تشوف للسماطة دايرا حالة
انا بديت نصوم في 5 سنين
بصح ذرك تلقاهم يقراو في المتوسط وياكلو يقولولك مزالنا صغار ياسلام عليهم
ربي يقدر فرات

هههههه رتاج ضرك راني نشوف بلي راهم يتنافسو شكون يفطر اكثر و لي يقدر يفطر بزااف زعم هو الشاطر على حسابهم

رتاج كتب:

اييييييييييييييييييييييييه على يمات زمان ثم كانت الدنيا حلوة بصح ذرك ارواح تشوف للسماطة دايرا حالة
انا بديت نصوم في 5 سنين
بصح ذرك تلقاهم يقراو في المتوسط وياكلو يقولولك مزالنا صغار ياسلام عليهم
ربي يقدر فرات