¤¤¤¤¤مقارنة بين البنات والولاد الحنانة والخشانة¤¤¤¤¤¤

¤¤¤¤¤مقارنة بين البنات والولاد الحنانة والخشانة¤¤¤¤¤¤
السلام عليكم الشابين والشابات
(ألي يحبنا نحبوه ولي ما يحبناش نحبوه بلاش)

تبانلي راكم بيان والحمدلله..

اليوم درتلكم مقارنة بين (الولاد والبنات) ونبعدا شوفو كيفاش خرجت

الولاد بطبعهم هما لي قوامين على البنات سيبورصا تلقاهم الأولين بالمبادرة في كل ناحية مثلا:
البنت رقيقة المشاعر وتحب تبالغ شويا في المشاعر نتاعها أيا البنت شافت قط في الدار وش دير في ميزك أه
تقول : يا عمري قط شحال شباب تروح ليه وتهزو وتبدا توشي في شعرك بكل حنان ورومنسية وتبدا تحكي معاه يا عمري منين جيت وقيلا راك جيعان يا خا وقيلا البرد عليك أيا نمدلك شويا حليب وترقد في la chambre نتاعي بلا بلا بلا حتى تحسها راهي تحكي مع عمرها نتاع الصح ههههه

نجيو للولد لقى قط في الدار وش يقول:
يا قط وش راه يدير هنا يروح ديراكت ليه يعطيلو بوحد الركلة هذاك القط يحس روحو في ماتش السودان ما يفهم والو يتهز ويتحط اما تكسر رجلوا ولا تتكسر .....
يزيد يجيب ليه مصلحة (مكنسة) هههه ياو يبركلو بالضرب هدي في الراس هذي في الظهر ما يصلح فيه والو من بعد هههه

البنت في الدار تشوف قرلو (صرصور)
تقول:
ماما قرلو واي واي واي ياع تهرب تقولي شافت كروكوديل شويا وتخرج من الدار ههه خافت....

الولد شاف قرلو وش يدير حاجا باينا
يعفس عليه برجلوا بزغ مات الدايم الله في ملكو
ولا يطرحو بالبشماق (شنقلا)هو ميت لالا ما زال يزيد ويضرب فيه ههههه حاب يتأكد من موتو....

أيا جاينا للبنات كي يديرو الدواس النتيف (الشجار)
يبداوها كيمن هاك :
وش قلتي يا المصفارة أنا حمارة وأنتي نسيتي روحك يا البغلة يا الجحشة والكروكوديل يا.... يا....
يلعن يمات يماك ألي فيها وجداتك ويمات جدك بلا بلا بلا بلا....تروح نولي تلقاها في lapage 96 هههه الله غالب الدم بارد..
لخرى ترد عليها أنتي 55555 حمارة
تعاودلها 9999 حمارة يسمى ما خلصناش من الحمير..

نجيو للتبركيل نتاع الولاد
من دون مقدمات ديراكت الأول ثانيا دماغ في النيف
لوخر جبدلو عينو عطالو بجيدو هذي في العين هذي في البطن ركلو في خشمو تكسر
يعني الضرر المادي بزاف واحد خسر نيفو ولاخر خسر عينو ونورمال.... عادي ..
الضرر النفسي فقط من أجل سب أمه علاش يسبلو يماه ماشي رخس بالاك أسكت شت تعاودها أنا نبركلك خلاص ما تحكيش معايا هههههه
هذي هيا كملت كيمن هاك
وفي الأخير نشكر كل من تابع خرابيطي وخربشاتي
أه لبنات نسيت حاجا فيكم عفسة شابة وهي تشدو من الشعر هههه المرة الجاية تحجبو باش ما تنضروش بزاف كي تحكمك من الشعر تقادرك بصكو راكي بالحيجاب هههههههه

ههههههههه ههههههههه :تميز و ابداع: :تميز و ابداع: :تميز و ابداع: :تميز و ابداع: انا صح نخاف من قرلو ههههه ههههههههه

ههههه مشكور على الطرافة
في انتظار جديدك القادم

يعطييييييييك الصحة ههههههههههههههههههههههه
:يضحك: :يضحك:

ههههههههههههههههههههههههههههه
شكرا اخي

هههههههههههههههههههههه
الرجال قوامون على النساء
مشكور

ههههههههههههه
جزيلا لك

هههههههههههههههههههههههههههههههههههه
شكراااا والله ضحكت من قلبي

ههههههههههههههه لبنات كامل يخافو مالقرلو هههههههه
شكراا على الموضوع مزيد من النشاط و التميز ان شاء الله

ههههههههههه
شكراااااا على الطرافة

ههههههههه

هادي حاجة باينة......مشكورعلى المجهود

مشكور على المقارنة الطريفة ونحن بانتظار جديدك دائما

شكرا و تحيا الرجال ولاه يا انتا من دون مقدمات نبداو في الضرب لانوا احنا الرجال شعارنا النيف و الخسارة merci من اخوك kader

يعطييييييييك الصحة