كرسي الإعتراف لفارس المنتدى :

فارس جات دالتك باه
تقعد على الكرسي الإعتراف
هي اتفضل على الكرسي

اضم صوتي لك منار فارس تفضل و لا تخجل لن نقسو عليك و ارجو ان تطول مدة الاعتراف من 4 ايام الى 7 ايام لانه ببساطة مديرنا العزيز ههههههههههههههههههه خطر

ههههههههههههههههههههههه
شكرا لك ولكن لا استطيع انا
اغير القوانين معليش امبعد
انزيد انرشحه في ايام اخرى
إن شاء الله

ان شاء الله نبدأ بسم الله وان شاء الله تكون همس الحنين

فال خير عليك فانا أول واحدة نطرحلك أسئلة ... راح

تهبل شكيت هههههههههههههه ...

رأيك في المنتدى الى ما وصل اليه اليوم ؟

علاش اسم فارس المنتدى ؟

فارس لوكان ما كنتش فارس واش تكون ؟

أكلتك المفضلة ؟

تعرف تطبخ ؟

هواياتك المفضلة ؟ و علاااااااااااش ؟

الخدمة واش بالنسبة ليك ؟

اعطيني مثل يعجبك ؟

واش تعنيلك المادة ؟؟

نشوف الحياة : دين ـ حب ـ وفاء ، فارس واش يقول فيها ؟

و ما هو تعريفك لكل منهم ؟؟؟؟

فارس ما كانش لي ما يغلطش في حق الآخرين ، غلطت في حق

كاش واحد ؟ تراجعت على خطأك و طلبت السماح ؟؟؟؟

واش تعنيلك المظاهر ؟؟؟؟

ما رأيك في التواصل بين الجنسين ؟

واش تحب في حياتك ؟

طموحك ؟؟؟؟

ما رأيك في الدنيا درك ؟؟؟؟؟

اي البلدان تحبها ؟؟؟

عقليتك في المنتدى و برا شكون في نظرك أحسن ؟؟؟؟؟

واحد يقولك انت فوووووووووور واش تقولو ؟؟؟؟

ما معنى عبارة { العائلة } عندك ؟؟؟؟؟

واش رأيك في همس الحنين ؟؟؟؟

طباعك ؟؟؟؟

أعضاء عجبوك بزااااااااااااااف ؟؟؟

واحد غلط معاك يقولك اسمحلي واش تقول ؟؟؟

واشم الحاجة لي تجذب فارس للآخرين ؟؟؟

ما الحاجة فيك لي ترضيك ؟؟؟

الحاجات لي تحب يقولوهالك ؟؟؟؟

الحاجات لي ما تحبهاش ؟؟؟

واش رأي فارس في الاعتراف للآخرين بكل ما يدور في ذهنه ؟؟؟

كالاعتراف بشعوره اتجاه الآخرين ...؟؟؟؟

لمن تحكي بزااااااااااااف في حياتك ؟؟؟؟

فارس واش يحب : يقرا ، يتفرج .... ؟؟؟

معظم أوقات فراغك واش يدير ؟؟؟؟

ذكرى ما تنساهاش ؟؟؟ ماشي مليحة ؟؟؟ مليحة ؟؟؟؟

فارس واش يفرحو ؟؟؟؟

همس الحنين تحب تقول : حياتك اختياراتك فأقم صلاتك فهي عماد الدين ،

فارس واش يقول لهمس ؟؟؟؟؟

همس تقول : رضى الله في رضى الوالدين و سخطه في سخطهما ، فارس واش يقول ؟؟

همس تقول : القناعة كنز لا يفنى و ربي ما فيه غير الخير ، فارس واش يقوللها ؟؟؟

.... يتبع فارس هههههههههههههههههههههههه

king.love.1 كتب:: اضم صوتي لك منار فارس تفضل و لا تخجل لن نقسو عليك و ارجو ان تطول مدة الاعتراف من 4 ايام الى 7 ايام لانه ببساطة مديرنا العزيز ههههههههههههههههههه

ههههههه راك معاهم نبيل معلهش توصل الدالة نتاعك متخافش
شكرااا على الاستقبال

رأي فارس في نفسه ؟؟؟؟

فارس يعاني من فراغ ؟؟؟؟

فارس باختصار ؟؟؟؟

فارس واش رأيو في المساواة بين المرأة و الرجل ؟؟؟؟

اي مهنة تحب ؟؟؟؟؟

ما تعريفك للرجل ؟؟؟ للمرأة ؟؟؟ للاخلاص ؟؟؟؟؟؟؟؟

فارس يحب يعاون الناس ؟؟؟ وعلاااااااااااااااش ؟؟؟؟

فارس حبس ما يعلم همس وعلااااااااااااااااش ؟؟؟؟

يحب فريق البرصا وعلااااااااااااااش ؟؟؟؟

أي لون يحب لوكان ينعدم اللون هذا واش يخير من وراه ؟؟؟؟

فارس بطبعه وفي ؟؟؟؟؟؟؟؟؟؟؟ و فيما يتجلى ذلك ؟؟؟؟؟

أفضل أعضاء في المنتدى ؟؟؟؟ و كل واحد فيهم بماذا يتميز ؟؟؟؟

تتفكر المنتدى برا ؟؟؟؟

اعط كل عضو صفة كل ما تتذكرو تجي قدامو هاذي الصفات ؟؟؟؟؟؟؟؟؟

فارس يميل لماذا في حياته ؟؟؟؟

الصديق المفضل لفارس ؟؟؟؟؟

افضل اسم صادفته في عالم المنتديات ؟؟؟؟

اسم يقلقك في المنتدى ؟؟؟؟

اسم تحب تشوفو في المنتدى ؟؟؟؟

عضو تحب يرد دوما على مواضيعك ؟؟؟؟؟وعلاااااااااااااااش ؟؟؟

فارس اي حرف من الحروف الأبجدية يحبها ؟؟؟؟ وعلاااااااااااااااش ؟؟؟؟

واش يعنولك هاذو ، كي تشوفهم واش تقول و لا واش رأيك :

قوس قزح ، النجوم ، العصافير ، البحر ، الماء ... ؟؟؟؟؟؟؟؟؟

فارس يردد كلمة دايما أو عبارة واش هي ؟؟؟؟؟؟

فارس يعاني من سلبيات يحب يتخلص منها ما هي ؟؟؟؟؟؟؟

واش هي العقلية في رأي فارس ؟؟

فارس شحال تبلغ نسبة الثقة بالنفس عندو ؟؟؟؟؟

واش يعني الضحك عند فارس ؟؟؟؟

واش رأيك في واحد زعفان بصح يضحك ؟؟؟؟

فارس يأمن بالزهر ؟؟؟؟؟؟

فارس عقليتو يظنها ايجابية أم سلبية ؟؟؟؟؟

يا همس هذو الاسئلة شهر و ما نعرف اذا كملهم ههههههههههههههههههههه كرسي الإعتراف لفارس المنتدى : Istockphoto_664276_electric_chair_sterile

همس بشوي عليه

هههههههههه خلاص و الله ما نزيد ... ههههههه درك نحي منهم ...

فارس راك تشوف ما خلاونيش ...

ايا فارس راهو بدا الامتحان و عندك الاسئلة و الوقت 4 ايام رانا نستناو كرسي الإعتراف لفارس المنتدى : Istockphoto_664276_electric_chair_sterile

همس الحنين كتب:: ان شاء الله نبدأ بسم الله وان شاء الله تكون همس الحنين

فال خير عليك فانا أول واحدة نطرحلك أسئلة ... راح

تهبل شكيت هههههههههههههه ...
بسم الله نبدا في الاجابة و متكثروش سينو نعيط لمنير هههههه

رأيك في المنتدى الى ما وصل اليه اليوم ؟
الحمد لله هو في تطور و رقي مستمر وهذا بفضل تظافر جهودكم
وانا جد سعيد بما وصلنا اليه حتى هذه الساعة
لكن طموحاتي لا تتوقف عند هذا بل تكبر يوما بعد يوم

علاش اسم فارس المنتدى ؟
كي فتحت المنتدى خممت بزاف فالاسم و جاني هذا هو افضل اسم اختارو
حببت ان اكون في كل مكان في المنتدى في الاقسام في المواضيع في كل شيء ببساطة
و هذا يلزم عليا نكون فارس و باش معنياش حطيت فالتوقيع نتاعي الحصان
يعاوني في هذه المهمة ههههه

فارس لوكان ما كنتش فارس واش تكون ؟
ربما نخير اسم شخصية من الشخصيات التي نقتدي بها
بعد خير البرية رسولنا صلى الله عليه و سلم

أكلتك المفضلة ؟
طاجين زيتون و الطعام
تعرف تطبخ ؟
نسلك راسي في بعض الاشياء
هواياتك المفضلة ؟ و علاااااااااااش ؟
كرة القدم و بصفة خاااصة فريقي المفضل برشلونة
لانو كل انسان عندو هويات يحب يديرها ولا يتبعها
و نحب الرسم
الخدمة واش بالنسبة ليك ؟
الخدمة قبل كل شيء هي عبادة و على كل واحد ان يتقن عمله
لانه يحاسب عليه
اعطيني مثل يعجبك ؟
لي جابوه يديه الحديد ليه
واش تعنيلك المادة ؟؟
المادة شيء ننتفع به ولازم على الواحد يكون قانع في حياتو ميقعدش يجري موراها لانها تديه
وميعرفش وين تحطو و يلقى عمرو خلاص و هو يجري موراها و مستمتعش بحياتو الخاصة
لاننا نرى ناس بزاف عندو المادة بصح مراهوش مهني في حياتوا
نشوف الحياة : دين ـ حب ـ وفاء ، فارس واش يقول فيها ؟
اشياء رائعة ان تملك هذه الامور
تكون من اسعد الناس لو تكتسب هذه الاشياء
و ما هو تعريفك لكل منهم ؟؟؟؟
الدين هو فلاحك في الدينا و الاخرة ان شاء الله
الحب لا يمكن ان يرتاح و لا ان يعيش الانسان بدون حب لان الانسان بطبعه اجتماعي
وفاء كلمة كبيرة يا ليت تكون في كل واحد فينا

فارس ما كانش لي ما يغلطش في حق الآخرين ، غلطت في حق
كاش واحد ؟ تراجعت على خطأك و طلبت السماح ؟؟؟؟
اكيد نكون غلطت لاني لست معصوم من الخطا لكن الاهم ليس ان تخطأ بل ان تعترف بخطأك
نعم اطلب السماح لانو ليس عيب بل يدل على قوة شخصيتك وليس تقص كما يراه الكثير
واش تعنيلك المظاهر ؟؟؟؟
كل واحد ولا كل انسان يحب يظهر باحسن صوره لكن البعض صح يكون لابس مليح و داير احسن العطور
لكن كي تحكي معاه تلقاه فارغ و كاين بزااااف ناس عاديين في لباسهم بصح كي تقعد معاهم تلقاهم كنز و بهذا هذه المعادلة نقولك ان المظاهر ليست كل شيء
ما رأيك في التواصل بين الجنسين ؟
امر عادي لكن في حدود
واش تحب في حياتك ؟
نحب نكون مهني في حياتي و مع عائلتي
طموحك ؟؟؟؟
شعار المنتدى ان نكون الافضل و الاحسن دائما
ما رأيك في الدنيا درك ؟؟؟؟؟
كاين بزاااف حاجات مراهيش في بلاصتها و ان شاء الله تتعدل الامور
اي البلدان تحبها ؟؟؟
اسبانيا و ان ارى الكامب نو
عقليتك في المنتدى و برا شكون في نظرك أحسن ؟؟؟؟؟
ان نظن عندي عقلية واحدة و كيما فالمنتدى كيما برا
وسقسو نبيل يعرفني هههههههههه
واحد يقولك انت فوووووووووور واش تقولو ؟؟؟؟
احكم التليكموند و نقصلي شويا ههههههههههههه
ما معنى عبارة { العائلة } عندك ؟؟؟؟؟
العائلة هي الاستقرار
واش رأيك في همس الحنين ؟؟؟؟
مشرفة نشيطة في المنتدى قدمت و مزالت تقدم الكثير
وبهذه المناسبة نشكرك على المجهود التي تقدميه دائما
طباعك ؟؟؟؟
متميزة و نشيطة دائما
أعضاء عجبوك بزااااااااااااااف ؟؟؟
كل الاعضاء لي راهم ناشطين و قايمين بالمنتدى
وهذا لايعني ان البقية لا يعجبونني بلاك تكون عندهم ظروف خاصة كل واحد عذرو معاه و انش اء يكون معانا دائما في العائلة
واحد غلط معاك يقولك اسمحلي واش تقول ؟؟؟
كيما نحب يسمحولي كي نغلط انا ثاني نسامح
واشم الحاجة لي تجذب فارس للآخرين ؟؟؟
الصفات الطييبة للاشخاص
ما الحاجة فيك لي ترضيك ؟؟؟
نحب التواضع و التكلم مع كامل الناس
الحاجات لي تحب يقولوهالك ؟؟؟؟
الدعاء بالخير يفرحني بزاف لان كلنا محتاجين للدعاء
الحاجات لي ما تحبهاش ؟؟؟
نكره لي يدي بين الناس
الكذب
الحقرة

واش رأي فارس في الاعتراف للآخرين بكل ما يدور في ذهنه ؟؟؟
نعم
كالاعتراف بشعوره اتجاه الآخرين ...؟؟؟؟
بكل تاكيد
لمن تحكي بزااااااااااااف في حياتك ؟؟؟؟
لشخص له مكانه في قلبي
فارس واش يحب : يقرا ، يتفرج .... ؟؟؟
يتفرج
معظم أوقات فراغك واش يدير ؟؟؟؟
اغلب امام الكمبوتر
ذكرى ما تنساهاش ؟؟؟ ماشي مليحة ؟؟؟ مليحة ؟؟؟؟
ماشي مليحة اعدام صدام اما العالم و في مناسبة عزيزة علينا نحن المسلمين
المليحة التاهل الى كاس العالم
فارس واش يفرحو ؟؟؟؟
كي نكون مليح مع الاهل و صحابي و كل من احبهم
همس الحنين تحب تقول : حياتك اختياراتك فأقم صلاتك فهي عماد الدين ،
نعم اوافقك
فارس واش يقول لهمس ؟؟؟؟؟
ان شاء الله اجيبي الباك نتاعك و بمعدل يرضيك
همس تقول : رضى الله في رضى الوالدين و سخطه في سخطهما ، فارس واش يقول ؟؟
نعم ان شاء يرضاو علينا والدينا
همس تقول : القناعة كنز لا يفنى و ربي ما فيه غير الخير ، فارس واش يقوللها ؟؟؟
القناعة نعمة نغبون فيها الكثير و اكيد ربي ما فيه غير الخير

.... يتبع فارس هههههههههههههههههههههههه
اوكي موضوع طويل قسمى الاسئلة على فقرات هههههه
شكرااا على الاسئلة

انا قريت الاسئلة تاع همس عييييييت و فشلت في مكان فارس اصلا ما خلاتلنا حتى سؤال
بصح فارس كي تكمل تجاوب على الاسئلة قولي واش رايك في الاسئة تاع همس بكل صراااااااااحة

هههههههههههه ناس ملاح بصح فارس عيا جاوب غير

على نص راه يجاوب واقيل بالفاسيليتي هههههههههههههههه

واشم معناه التواضع عند فارس ؟؟؟؟؟

فارس يحب يحكي ؟؟؟؟؟

فارس أي نوع من اللبسة يحبو ؟؟؟؟

فارس يحب اي قسم في المنتدى ؟؟؟؟؟

أي موضوع مازالك شادو لحد الآن في ذهنك ؟؟؟؟ وعلاااااااااااااش ؟؟؟؟

فارس يقيم الآخرين حسب ......؟؟؟؟؟؟؟؟؟

أصعب موقف مر به فارس ؟؟؟؟؟؟؟

ما الفرق بين الحب و الصداقة عند فارس و حسب وجهة نظره ؟؟؟؟

من أقرب اليك في الحياة ؟؟؟؟

هل هناك شخص ما غير مجرى حياتك الى الأحسن ؟؟؟ من ؟؟؟؟ واش تقولو ؟؟؟

شخص غيرها الى الأسوء ؟؟؟؟من ؟؟؟؟ واش تقولو ؟؟؟؟

المعدل اليومي لساعات نوم فارس ؟؟؟؟؟؟

من يخطر في بالك دوما عندما تكون وحدك ؟؟؟؟

من يخطر في بالك عند اغلاق عينيك ؟؟؟

فارس واش يقول كي يشوف الأطفال ؟؟؟؟

أي حلوى يحبها فارس ؟؟؟؟

واش رأي فارس في عمل المرأة ؟؟؟؟؟

واش يقول فارس في تـــــابـــــــــلاط ؟؟؟؟؟

فارس يحب الورد ؟؟؟؟ واش يجي في بالو كي يقولوا ورد ؟؟؟؟ و اي لون ؟؟؟ وعلااااااااااش ؟؟؟؟

كل واحد فينا بداخله طفل ، و فارس ؟؟؟؟؟

فارس يحب ياكل ؟؟؟؟؟

أي فاكهة يحب فارس ؟؟؟؟

واش رأي فارس في التسوق ؟؟؟؟

فارس عصبي ؟؟؟؟

فارس من النوع لي كي يغضب يخسر ؟؟؟؟

فارس واش رأيو في شباب اليوم منهم البنات و الاولاد ؟؟؟؟؟

مقولة { اعتزل الناس الا في خير } تخدم بزاف عند همس ، واش يقوللها فارس ؟؟؟؟

هل هي ايجابية أم سلبية ؟؟؟؟؟

فارس يشوف الانسان حسب العمر ديالو ويفرق بين

الأشخاص حسب عمرهم و لاّ العقلية تخبي كلش ؟؟؟؟

فارس واش يحب يوصي و يقول لعــــائـــــــلـــــة تــــــــابـــــــلاط ؟؟؟؟

واش يقول فارس في : الكذب ، الخداع ، النفاق ، الخيانة ...

و واش يقول في : الصدق ، الأمانة ، الصداقة ...

فارس شحال يحب عــــائــــلـــة تـــــــــابــــــلاط ؟؟؟؟

فارس يحب الشيخ أبو اسحاق الحويني ؟؟؟؟ واش جذبو ليه ؟؟؟؟؟

فارس يحب شخصيات أخرى ؟؟؟؟ واش هي ؟؟؟؟؟؟

واش رأي فارس في الرياضيات ؟؟؟؟؟؟

فارس واش رأيو في الدكتور ابراهيم الفقي ؟؟؟

فارس تعريفو : { القرآن } ، الرسول صلى الله عليه و سلم ، الاسلام ...؟؟؟؟

فارس يشوف المرأة نصف المجتمع تنتج النصف الآخر أم ....؟؟؟؟

واش يقول في المرأة ؟؟؟؟؟؟؟

فارس أي فصل يحب ؟؟؟؟ وعلاااااااااااااااااش ؟؟؟؟

مقولة { الصبر صبران : صبر على ما تحب و صبر على ما تكره } ما رأي فارس ؟؟؟؟ وهل تمر بهما حاليا ؟؟؟؟؟

الله اعونك فارس مع الاسئلة كي اتكملهم انديرلك اسئلتي

همس الحنين كتب:: رأي فارس في نفسه ؟؟؟؟
شخص بسيط يحب الحياة كما هي
فارس يعاني من فراغ ؟؟؟؟
الحمد لله ليس كثيرا
فارس باختصار ؟؟؟؟
شخص متواضع يحب الناس
فارس واش رأيو في المساواة بين المرأة و الرجل ؟؟؟؟
الاسلام لم يترك شيئا دون ان يتكلم عليه قد اعطي لكل واحد دور في الحياة
والناس تظل اطلع و تهبط في قضية مفصول فيها من زمان بزااااااف علينا
اي مهنة تحب ؟؟؟؟؟
احب كل مهنة شريفة من حلال
يعني ماشي حاجة خاصة
ما تعريفك للرجل ؟؟؟ للمرأة ؟؟؟ للاخلاص ؟؟؟؟؟؟؟؟
الرجل هو ذلك الفنان الذي يعرف كيف يحكم عائلته فجعلها متراصه متحابة فيما بينها
المراة مدرسة تكون الاجيال ان صلحت صلح المجتمع باكمله
الاخلاصادير كلش بالنية نتاعك وليس من اجل الناس
فارس يحب يعاون الناس ؟؟؟ وعلاااااااااااااااش ؟؟؟؟
نعم نحب نعاون الناس لانو من اخلاقنا و كيما نحب نلقى المساعدة عندما احتاجها نحب نمد يد المساعدة لي يحتاجني
وهذي الحاجة تحس بيها كي تكون في وقت الشدة
فارس حبس ما يعلم همس وعلااااااااااااااااش ؟؟؟؟
ههه وعلاش ياك الحاجة لي تطلبوها فالمنتدى راني نعاونكم فيها قدر استطاعتي
يحب فريق البرصا وعلااااااااااااااش ؟؟؟؟
فريق عريق و كبير عندهم طريقة فريدة في اللعب
حتى الاعداء في كرة القدم يشهدولو بيها تستمتع و انت تتفرج عليهم
يعد بكل بساطة مثال رائع لكل فريق
أي لون يحب لوكان ينعدم اللون هذا واش يخير من وراه ؟؟؟؟
اللون الابيض بعد الازرق
فارس بطبعه وفي ؟؟؟؟؟؟؟؟؟؟؟ و فيما يتجلى ذلك ؟؟؟؟؟
ان شاء الله نكون كذلك لانها من شيمنا

فارس بطبعه وفيّ ؟؟؟؟؟؟؟؟؟؟؟ و فيما يتجلى ذلك ؟؟؟؟؟

واش رأيك في المسؤولية ؟؟؟؟؟

قررت همس تحبس الأسئلة ديالها .... واش تقول ؟؟؟؟

واش رأيك في الأسئلة ؟؟؟؟

كيفاش جاتك همس كي طرحتلك الأسئلة ؟؟؟؟؟

واش تقول لهمس ؟؟؟؟؟

واش توصي همووووووووووسة ؟؟؟؟

همس الحنين كاسم كي تشوفو واش يجيك المعنى ديالو ؟؟؟؟؟؟

همس الحنين في كلمات ؟؟؟؟؟

اهلين الاخر فارس
انشاء الله تعجبك الاسئلة

شو رأيك في الموضوع و الفكره؟

مين اعزعضو في المنتدى؟

شو هي هوايتك المفضل؟

شو هو أحب بلد الك بعد بلدك؟

شو المكان اللي تتمنى تزورو؟

مين افضل رئيس عربي عندك؟

شو الأكلة المفضلة عندك ....؟

شو هو لونك المفضل ؟

شو هي مشاريعك المستقبليه ؟
شو ممكن تحكي عن الاعضاء؟

انتا رااضي عن المنتدى بشكل هذااا من حيث الموضيع والنشط اليوم لاعضاااء؟؟؟؟؟

انت راضي على نفسك؟

لو اعطوك ممحاه ماذا ستمحي ؟

لو رجع الزمن لورا شو رح تغير بحياتك؟

الأمنية اللي تتمناها ... ؟

2-باقة ورد لمن تهديها ...؟؟

3- باقة شوك لمن تهديها ...؟؟

4- اسوأ خبر سمعته...؟؟

5- شخص لاترفض له طلبا ..؟؟

6- مـــــن يطـــــربك ...؟؟

7- ماهي التجربه التي تتمنى تكرارها ...؟؟

8- من هو توأم روحك ...؟؟

9- ماهو اكثر شئ تخشاه...؟؟

10- مالذي يشعرك بأكثر قدر من الحرج...؟؟
- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

13- جريمه تتمنى ارتكابها...؟؟

14- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

15- كلمه اخيره .. بعد ان اصابك الملل..؟؟
س/ وش تعني لك هذي الكلماات ..

الحب

الخياانه

الوفاء

الصداقه

البحر

الوطن

لا تلومني على الاسئلة

موفق اشاء الله

همس الحنين كتب:: أفضل أعضاء في المنتدى ؟؟؟؟ و كل واحد فيهم بماذا يتميز ؟؟؟؟
همس الحنين نشيطة و متواجدة في كل الاقسام بمواضيعها و درودها
منار الاسلام شخصية مثقفة و هادئة
نبيل مواضيع حصرية و فريدة
رتاج مثقفة و تعرف متى تتكلم و متى تصمت
نسرين مرحة دائما في المنتدى
منير يحب العمل
الامير مهتم بالبرامج
اريج الحياة نشيطة في مطبخها

تتفكر المنتدى برا ؟؟؟؟
بزاااااااااااااااف قولي شحال ننساه نقولك شووووووووووووووووووووووويا
اعط كل عضو صفة كل ما تتذكرو تجي قدامو هاذي الصفات ؟؟؟؟؟؟؟؟؟
همس الحنين نشيطة
منار هادئة
نسرين مرحة
رتاج مثقفة
منير مثقف و مين ذاك يدير الطوايش هههههه
اريج الحياة قسم المطبخ

فارس يميل لماذا في حياته ؟؟؟؟
حب الحياة بحلوها و مرها
الصديق المفضل لفارس ؟؟؟؟؟
ياسين هو صديقي المفضل
افضل اسم صادفته في عالم المنتديات ؟؟؟؟
هههه هكذا راح ندير الاشهار للمنتديات الاخرى
لكن حقيقة انا اهتم بمضمون المنتدى و ليس اسمه
اسم يقلقك في المنتدى ؟؟؟؟
للاسف لا يوجد كامل الاعضاء الله يبارك عليهم
لكت نطلب من البعض ان يظهرو لنا ابداعهم معنا و مواضيعهم
اسم تحب تشوفو في المنتدى ؟؟؟؟
نحب نشوفكم كامل هنا المنتدى و نفرح كي نشوف صاحبي الامير معانا
عضو تحب يرد دوما على مواضيعك ؟؟؟؟؟وعلاااااااااااااااش ؟؟؟
منير خاصة و انتم كاااامل نفرح كي نلقاكم فالموضوع نتاعي دائما تلقى خرجة من خرجاتو فالموضوع
فارس اي حرف من الحروف الأبجدية يحبها ؟؟؟؟ وعلاااااااااااااااش ؟؟؟؟
الميم (محمد)
واش يعنولك هاذو ، كي تشوفهم واش تقول و لا واش رأيك :
قوس قزح ، النجوم ، العصافير ، البحر ، الماء ... ؟؟؟؟؟؟؟؟؟
ايات الله في الكون

فارس يردد كلمة دايما أو عبارة واش هي ؟؟؟؟؟؟
ان شاء الله.استغر الله
فارس يعاني من سلبيات يحب يتخلص منها ما هي ؟؟؟؟؟؟؟
مرات التسرع في الحكم و نحب نتخلص من هذا الشيء لانو يقلقني

ياو ياو بلعقل على الراجل راكم خنقتوه بالاسئلة

هههههههه
انا ما نسقسيش حتى ينقسو عليك فارس

همس الحنين كتب:: واش هي العقلية في رأي فارس ؟؟
العقليه انوا تكون عندك اللباقة في التكلم مع الناس
فارس شحال تبلغ نسبة الثقة بالنفس عندو ؟؟؟؟؟
النسبة الاكبر
واش يعني الضحك عند فارس ؟؟؟؟
ليس كل من يضحك هو انسان سعيد
واش رأيك في واحد زعفان بصح يضحك ؟؟؟؟
صعيبة بزاااااااف
فارس يأمن بالزهر ؟؟؟؟؟؟
نقول التوفيق من الله احسن
فارس عقليتو يظنها ايجابية أم سلبية ؟؟؟؟؟
نحب نكون ايجابي في حياتي

ناس ملاح كتب:: انا قريت الاسئلة تاع همس عييييييت و فشلت في مكان فارس اصلا ما خلاتلنا حتى سؤال
بصح فارس كي تكمل تجاوب على الاسئلة قولي واش رايك في الاسئة تاع همس بكل صراااااااااحة

كانت الاسئلة بزااااااااف ومن الصدف انوا اليوم الصباح كنت نجاوب و التريسيتي راحت
فشلت ههههههه ونقول لمنار زيديلي فالوقت لخاطر مراحش نكمل فالوقت المحدد لي ههههههه
ادعولي نكمل الاجوبة البقية

ان شاااااااااااااااء الله تكمل قبل الأيام ما يخلاصو ، ما تخممش

حتى و ما كملتش نزيد نرشحك أنا .... هههههههههههههههههههه

همس الحنين كتب:: واشم معناه التواضع عند فارس ؟؟؟؟؟
التواضع تتكلم مع الناس كامل و بكل حب ماشي هدرة نتاع فوق القلب
تعيش مشاكل و افراح الناس
واحد يكون محتاج مساعدة اذا كنت قادر عليها تقدمها بدون ان يطلبها منك هو
فارس يحب يحكي ؟؟؟؟؟
ليس كثيرا
فارس أي نوع من اللبسة يحبو ؟؟؟؟
تكون حاجة سامبل و مخدومة مليح
فارس يحب اي قسم في المنتدى ؟؟؟؟؟
تاريخ و ثقافة الجزائر
أي موضوع مازالك شادو لحد الآن في ذهنك ؟؟؟؟ وعلاااااااااااااش ؟؟؟؟
كاين مواضيع بزاف من بينها
ات اخطأ طفلك... ابتسمي
لان الامر حدث مع الكثير و بهذا الشيء قتلت مواهب كثيرة
فارس يقيم الآخرين حسب ......؟؟؟؟؟؟؟؟؟
تصرفاتهم و افعالهم
أصعب موقف مر به فارس ؟؟؟؟؟؟؟
كاين لكن ؟؟؟؟؟
ما الفرق بين الحب و الصداقة عند فارس و حسب وجهة نظره ؟؟؟؟
الحب هو الدفء .المشاعر.هو وردة محاطة بالاشواك ايضا
الصداقة هي الصدق الحقيقة و الصداقة لا تنتهى قد تبقى مع اشخاص طوال حياتك
من أقرب اليك في الحياة ؟؟؟؟
الاهل و اصدقائي
هل هناك شخص ما غير مجرى حياتك الى الأحسن ؟؟؟ من ؟؟؟؟ واش تقولو ؟؟؟
نحب نسمع الشيخ ابو اسحاق الحويني شيخ قمة و روعة استفادة منو الكثير
بارك الله فيه و حفظه الله للامة الاسلامية
وكاين الشيخ عائض القرني ما شاء الله عليه
شخص غيرها الى الأسوء ؟؟؟؟من ؟؟؟؟ واش تقولو ؟؟؟؟
الناس لي راهم في مناصب غير مناصبهم وهذي حاجة عامة تنطبق على كثير من الناس
الله يهديهم
المعدل اليومي لساعات نوم فارس ؟؟؟؟؟؟
8ساعات
من يخطر في بالك دوما عندما تكون وحدك ؟؟؟؟
واحد احبه و نعزو بزاااف
من يخطر في بالك عند اغلاق عينيك ؟؟؟
نفس الشخص هذا
فارس واش يقول كي يشوف الأطفال ؟؟؟؟
الله يبارك
أي حلوى يحبها فارس ؟؟؟؟
دزيريات
واش رأي فارس في عمل المرأة ؟؟؟؟؟
انا مرانيش ضد عمل المرأة لكن بشروط انو ينقصولها في عدد الساعات
باش تقدر تادي واجبها في بيتها لانو اولاد النساء لي يخدمو صح تلقى عندهم كلش بصح
يكونوا ترباو بعاد على الوالدين لان الابوين نهار كامل و هوما فالخدمة و مع العشيا يجو عيانين للدار
و هذا يكون على حساب الاطفال نتاعهم.وكاين حاجة ثاني ماشي كامل الاعمال هناك بعض الاعمال لي تقدر تكون المراة فيهم
واش يقول فارس في تـــــابـــــــــلاط ؟؟؟؟؟
ربي يحفظها ما شاء الله
فارس يحب الورد ؟؟؟؟ واش يجي في بالو كي يقولوا ورد ؟؟؟؟ و اي لون ؟؟؟ وعلااااااااااش ؟؟؟؟
اكيد نحب الورد.الحب و المشاعر.الاحمر و الابيض.الاحمر يرمز للحب و الابيض للسلام و الصفاء و كل شيء جميل
كل واحد فينا بداخله طفل ، و فارس ؟؟؟؟؟
نعم
فارس يحب ياكل ؟؟؟؟؟
اكيييد و نحب النوع ماشي حاجة وحدة

ههههههههههههه فارس على بالي راح يتكسر الكرسي عليها

جبتلك هاذو كل ما يتكسر واحد دير في بلاصتو واحداخر

و باش ما تحسش بالروتين :

كرسي الإعتراف لفارس المنتدى : Pvcrockingchair

كرسي الإعتراف لفارس المنتدى : Pvcrockingchair

كرسي الإعتراف لفارس المنتدى : Creativechairs28

كرسي الإعتراف لفارس المنتدى : Al3malkacom12516639281

ان شاء الله يعجبوك ... ماشي كيما الأسئلة هههههههههههههه

همس الحنين كتب:: أي فاكهة يحب فارس ؟؟؟؟
البرتقال
واش رأي فارس في التسوق ؟؟؟؟
في ايامنا هذه غرامة مالية مرهقة للرجل قد اعيت الناس بالغلاء
فارس عصبي ؟؟؟؟
لست عصبي بل العكس
فارس من النوع لي كي يغضب يخسر ؟؟؟؟
مراااات و ممبعد نندم
فارس واش رأيو في شباب اليوم منهم البنات و الاولاد ؟؟؟؟؟
الحالة راهي غير تزيد تخسر الله يجعل الخير
مقولة { اعتزل الناس الا في خير } تخدم بزاف عند همس ، واش يقوللها فارس ؟؟؟؟
هل هي ايجابية أم سلبية ؟؟؟؟؟
انا مع خالط الناس و اصبر على اذاهم لان الانسان بطبيعته اجتماعي

همس الحنين كتب:: فارس يشوف الانسان حسب العمر ديالو ويفرق بين

الأشخاص حسب عمرهم و لاّ العقلية تخبي كلش ؟؟؟؟
العقلية هي الصح عندي اكثر من العمر
فارس واش يحب يوصي و يقول لعــــائـــــــلـــــة تــــــــابـــــــلاط ؟؟؟؟
نحن هنا عائلة واحدة و نكونو يد واحدة في السراء و الضراء
وان شاء الله حاجة ماتفرقنا
واش يقول فارس في : الكذب ، الخداع ، النفاق ، الخيانة ...
الكذب من اكره و ابشع الصفات
الخداع التلاعب بالناس صفة مذمومة
النفاق انسان لا تثق به ابدا
الخيانة الجحود و النكران
و واش يقول في : الصدق ، الأمانة ، الصداقة ...
الصدق سبب النجاح والنجاة
الامانة كل دين على عاتقك
الصداقة كنز لا ينفى
فارس شحال يحب عــــائــــلـــة تـــــــــابــــــلاط ؟؟؟؟
1000000.../100
فارس يحب الشيخ أبو اسحاق الحويني ؟؟؟؟ واش جذبو ليه ؟؟؟؟؟
اسلوبو في الدروس يبهرني ما اروعه من شيخ
فارس يحب شخصيات أخرى ؟؟؟؟ واش هي ؟؟؟؟؟؟
عايض القرني
ابراهيم الفقي
محمد حسان
عمر عبد الكافي
العريفي

واش رأي فارس في الرياضيات ؟؟؟؟؟؟
هههه خاطيتني

فارس واش رأيو في الدكتور ابراهيم الفقي ؟؟؟

شخصية رائعة و مؤثرة و يمد دروس روووووووووووووعة في الحياة
لكن كاين بزاف ناس يقولولي منفهموش الهدرة نتاعو يزرب بزاف كي يكون يهدر
انا الحمد لله نفهملوا

ايا ياااااااااا بلعقل على السيد
خطر

مزال باش نديرلك سؤال
ربي معاااااااااااااااااااااااااااك

علاه ما تجوبشي على اسئلتي ؟؟؟

KiNg كتب:: اهلين الاخر فارس
انشاء الله تعجبك الاسئلة
ان شاء الله اخي على بركة الله نبدا
شو رأيك في الموضوع و الفكره؟
الموضوع حاجة عامة و الفكرة حالة خاصة راك تتكلم عليها
مين اعزعضو في المنتدى؟
الاعضاء كامل عزاز عليا لاننا اسرة واحدة و الامير صديق لي
شو هي هوايتك المفضل؟
فريق برشلونة نشجعو بزااااااااااف
شو هو أحب بلد الك بعد بلدك؟
اسبانيا لتواجد فيها فريقي المفضل
شو المكان اللي تتمنى تزورو؟
مكة المكرمة ان شاء الله الكل يزورها لانها اطهر بقعة في المعمورة
مين افضل رئيس عربي عندك؟
بومدين الله يرحمو
شو الأكلة المفضلة عندك ....؟
طاجين زيتون و الطعام
شو هو لونك المفضل ؟
الازرق
شو هي مشاريعك المستقبليه ؟
نكمل الحاجة لي راهي ناقصتني
شو ممكن تحكي عن الاعضاء؟
اعضائنا كامل ناس ملاح الله يبارك عليهم
ولي راهم غايبين نتمنى يرجعو في اقرب وقت لان المنتدى بحاجة الى كل واحد من الاعضاء
انتا رااضي عن المنتدى بشكل هذااا من حيث الموضيع والنشط اليوم لاعضاااء؟؟؟؟؟
نحن في تطور مستمر و نشكر الله تعالى على هذا و هذا بفضلكم و نشاطكم
انت راضي على نفسك؟
الى حد ما
لو اعطوك ممحاه ماذا ستمحي ؟
كل خطا غلطتو مع غيري
لو رجع الزمن لورا شو رح تغير بحياتك؟
نصلح اخطائي
الأمنية اللي تتمناها ... ؟
يتحسن حالي للاحسن
2-باقة ورد لمن تهديها ...؟؟
الى المنتدى الاني احبكم في الله
3- باقة شوك لمن تهديها ...؟؟
لاعداء المسلمين
4- اسوأ خبر سمعته...؟؟
من ابرزها موت صدام يوم عيد المسلمين
5- شخص لاترفض له طلبا ..؟؟
الناس لي عزاز على قلبي
6- مـــــن يطـــــربك ...؟؟

7- ماهي التجربه التي تتمنى تكرارها ...؟؟
الرحلات الصيفية
8- من هو توأم روحك ...؟؟
ياسين
9- ماهو اكثر شئ تخشاه...؟؟
الغدر
10- مالذي يشعرك بأكثر قدر من الحرج...؟؟
انسان متكونش تعرفو مليح و يدخل في امورك الشخصية بدون اذنك
- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
من شخص قريب ليا بزاف
13- جريمه تتمنى ارتكابها...؟؟
اي شيء يكون ضد اليهود
14- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
ارسم الجزائر و حمامة بيضاء
نريد استقرار الجزائر
15- كلمه اخيره .. بعد ان اصابك الملل..؟؟
جيبلي حاجة باردة باش نكمل الاجابة على الاسئلة الاخرى ههههههه
س/ وش تعني لك هذي الكلماات ..

الحب
لي تكون فيه ميفرطش فيها لان الكثير محروم منها
الخياانه
صفة مذمومة ربي يبعدها علينا
الوفاء
الاخلاص
الصداقه
هي تلك العلاقة الطييبة مع الاخرين
البحر
تريح مع راسك بعد التعب طول العام
الوطن
الارض التي تحضننا بايجابيتنا و سلبياتنا
لا تلومني على الاسئلة
مشكور اخي على الاسئلة سررت بها
موفق ان شاء الله

همس الحنين كتب:: فارس تعريفو : { القرآن } ، الرسول صلى الله عليه و سلم ، الاسلام ...؟؟؟؟
القران هو كلام الله.هو الكتاب الوحيد الذي لا يوجد به خطأ.هو دستورنا.لا يمكن ان ننجح ان ابتعدنا عنه
الرسول صلى الله عليه و سلم هو اعظم و اروع و اطهر شخصية مشت على الارض
هو الذي غير مجرى التاريخ اخرج الناس من الظلمات الى النور
الاسلام هو دين الله من اتبعه قد ربح الدنيا و الاخرة و من ابتعد عنه هلك
فارس يشوف المرأة نصف المجتمع تنتج النصف الآخر أم ....؟؟؟؟
وان صلحت صلح المجتمع باكمله
واش يقول في المرأة ؟؟؟؟؟؟؟
النصف الثاني للرجل
فارس أي فصل يحب ؟؟؟؟ وعلاااااااااااااااااش ؟؟؟؟
الربيع فصل ترتاح فيه و انت تشوف الدينا كامل خضراء صور رائعة
مقولة { الصبر صبران : صبر على ما تحب و صبر على ما تكره } ما رأي فارس ؟؟؟؟ وهل تمر بهما حاليا ؟؟؟؟؟

نعم مقولة صحيحة.نعم

ههههههههههههههه فارس هاني جبتلك باش تكملي الأسئلة :

كرسي الإعتراف لفارس المنتدى : D895f088055007a8d7f9374

بصحتك ...

و الله دخلت نحط بعض الاسئلة ما لقيت واش نحط ياختى حنين بصحتك طرحتى كامل الاسئلة

لكن فارس ....................... من انت في تسعة كلمات؟؟؟؟؟؟ظ

همس الحنين كتب:: فارس بطبعه وفيّ ؟؟؟؟؟؟؟؟؟؟؟ و فيما يتجلى ذلك ؟؟؟؟؟
اعتقد اني جاوبت عليه من قبل
واش رأيك في المسؤولية ؟؟؟؟؟
تكليف و ليس تشريف و الان تبدلت النظرة اليها الناس ولات تجري موراها و تخلص عليها الدراهم
قررت همس تحبس الأسئلة ديالها .... واش تقول ؟؟؟؟
هههه عندي يومين و انا نجري ملحقتش
خليني نكمل نتاع الاعضاء لخرين و ممبعد اذا حبيتي زيدي مكانش مشكل
واش رأيك في الأسئلة ؟؟؟؟
كانت متنوعة و من مجالات مختلفة
كيفاش جاتك همس كي طرحتلك الأسئلة ؟؟؟؟؟
كنت متحمسة و مخليتيش الدالة للاخرين هههه
واش تقول لهمس ؟؟؟؟؟
ان شاء الله اجيبي الباك نتاعك انت و كل المقبلين على الشهادة هذي
واش توصي همووووووووووسة ؟؟؟؟
اعرفي كيفاش تنظمي روحك فالقريا
يعني ديري برنامج امشي عليه
همس الحنين كاسم كي تشوفو واش يجيك المعنى ديالو ؟؟؟؟؟؟
الكلمات الخافتة لكن قوية على المسمع
همس الحنين في كلمات ؟؟؟؟؟
مشرفة نشيطة في المنتدى
تحب العمل دائما موجودة في كل المواضيع

king.love.1 كتب:: و الله دخلت نحط بعض الاسئلة ما لقيت واش نحط ياختى حنين بصحتك طرحتى كامل الاسئلة

لكن فارس ....................... من انت في تسعة كلمات؟؟؟؟؟؟ظ

انسان يحب ان يكون مثل ماهو عليه دون تكلف

هههههه اه يا نبيل خويا

» كرسي الإعتراف ل امونة
» كرسي الإعتراف لنسرين
» كرسي الإعتراف لkawter collo
» كرسي الإعتراف king.love.1
» كرسي الإعتراف منار الاسلام