كرسي الإعتراف لفارس المنتدى :

داتي ضرك فارس

-1- كيفاش حتى جاتك الفكرة تاع انشاء منتدى’’؟؟
-2- واش رايك في الجهة الاخرى بعدما ديتلها كامل العضاء هههههههههههه’’؟؟
-3- شحال توزن’’؟؟
-4- الرياضة المفضلة بعد كرة القدم؟؟
-5- واش رايك في رياضة رفع الاثقال ( الحديد)؟؟
-6- كيفاش تتخيلني داير زعما هههههههه وهدا اكدلي عليه؟
-7- فارس ترفه من الموقع اللي فتحو ورجع كيما اللي فتح اليوتوب ولا الفايسبوك ولا.... يعني يدير شكارة ... الاعضاء واش يعطيلهم؟؟
-8- مقولة.. من استغضب فلم يغضب فهو حمار .. واش يقول فيها فارس؟؟
-9- كيفاش يحس فارس كي يلقى بللي هو احق بمنصب ولا مكان ويمدوه لواحد اخر بالمعريفة ولا الرشوة ولا....’؟؟
-10- فارس شحال فليكسا من عندي من خطرة؟؟؟
-11- واش من مناطق زرتهم في الجزائر فارس ؟؟
-12- دكرى اليمة ودكرى سعيدة؟؟
-13- شكون هي المراة المثالية عند فارس ؟؟
-14- وقتاش يتزوج فارس؟؟
ان شاء الله ما رانيش طولت عليك

:شكرااااااااااا :شكرااااااااااا
اجوبة رائعة ومدهشة بارك الله فيك ربي يحفظك فاااارس

ما هي المرحلة التي تودو اعادتها ؟
ما هي اروع ولاية في نظرك؟
أي موضوع عجبك بزاف في المنتدى ؟
هل وضعت ثقتك الكاملة في شخص ووجدته ليس اهلا لتلك الثقة ؟
عندما يطعنك شخص في الظهر هل ترد بالمثل ؟
كيف ترى الحياة هل امتحان وهل نعيش لنتعلم ام نتعلم لنعيش ؟
ما هي اروع ذكرى في حياتك ؟
اعطيني ثلاث اشياء تحبهم في حياتك وثلاثة اشياء اخرين تكرهم؟
ما هي العادة التي دوما تفعلوها وتتمني ان تتركها لسلبياتها؟
ماهي العبارة او الحكمة التي تعجبك ؟
فضل شخصية في نضرك في العصر الحديث؟
ماذا يعني لك ابوك
ماذا تعني لك امك
ماذا يعني لك محمد رسول الله صلى الله عليه وسلم
ماذا يعني لك الإسلام
ماذا تعني لك الصلاة
ماذا يعني لك الموت

واش تعليقك على منار ؟
واش النصيحة لتوجهله ؟
واش رايك فيها ؟
واش راك حاب تقللها ؟
واخر شيا قارس واش راك اتحس كي راك قاعد على كرسي الإعتراف ؟

نسرين كتب:

:شكرااااااااااا :شكرااااااااااا
اجوبة رائعة ومدهشة بارك الله فيك ربي يحفظك فاااارس

وفيك بركة نسرين ربي يحفظني و يحفظك و يحفظ جميع المسلمين
شكرااا

بارك الله فيك فارس حزاك الله خير هلى هذه الإجابات

فارس سؤالي الاول والاخير واش رايك في اسئلة همس الكارثية

رتاج كتب:

فارس سؤالي الاول والاخير واش رايك في اسئلة همس الكارثية

كانت طويلة و حبت تعرف و تدي كل الاخبار دخلت حتى في علم النفس بالاسئلة التي تتطلب الاستنتاجات

فارس المنتدى كتب:

dsagz كتب:

داتي ضرك فارس
هههههههه بسم الله خالد
-1- كيفاش حتى جاتك الفكرة تاع انشاء منتدى’’؟؟
كانت مجرد فكرة و بقليل من التشجيع من اعز الناس الي فتحت المنتدى و الحمد لله
-2- واش رايك في الجهة الاخرى بعدما ديتلها كامل الاعضاء هههههههههههه’’؟؟
والله هي الفكرة ان صح التعبير نقولو عليها المنافسة في افادة الناس الى ما فيه الخير و نمثلو تابلاط خاصة و الجزائر عامة
وان شاء نتوفقو في زوج لان مصبنا وااااحد هو الرقي و الافادة و الاستفادة
و ابواب المنتدى مفتوحة للجميع
-3- شحال توزن’’؟؟
68كلغ
-4- الرياضة المفضلة بعد كرة القدم؟؟
نحب تنس الطاولة
-5- واش رايك في رياضة رفع الاثقال ( الحديد)؟؟
رياضة رائعة و مفيدة للجسم لكن لازم تكون بدون تناول الادوية لي راهم يشربو فيها باش يطلعو بلخف و لكن في المستقبل راح تعود عليه بالاضرار
-6- كيفاش تتخيلني داير زعما هههههههه وهدا اكدلي عليه؟
هههههه خالد الطول نتاعك170سم الوزن 66كلغ ادير الجال لخاطر شفتك فالموضوع نتاع الثانوية معجبكش الحال ههههه
اتبع اللبسة بزاف يعني تحب الحطة صح ولا راني غالط
-7- فارس ترفه من الموقع اللي فتحو ورجع كيما اللي فتح اليوتوب ولا الفايسبوك ولا.... يعني يدير شكارة ... الاعضاء واش يعطيلهم؟؟
هههههه راني قريب و الحاجة الاولى لي نشريها هي السيارة للمنتدى و نكتب فيها اسم و رابك المنتدى
نولو شركة في هذاك الوقت
-8- مقولة.. من استغضب فلم يغضب فهو حمار .. واش يقول فيها فارس؟
مقولة غير صحيحة لانو الغضب يكون في الامور الجادة مثلا ان تغضب لدينك او مخالفات كبيرة
واما في امور عادية على الانسان ان يكون حليما لانك في تلك الحالة يكون الشيطان مسيطر عليك و ربما ادير الحاجة لي تندم عليها طول حياتك
ولا تجرح كرامة صديق او اخ و العلاقة بلاك متكونش كيما كانت لانك ادنيت للشخصية نتاعوا

-9- كيفاش يحس فارس كي يلقى بللي هو احق بمنصب ولا مكان ويمدوه لواحد اخر بالمعريفة ولا الرشوة ولا....’؟؟
تغيضك عمرك و تكون في قمة الاحباط بصح نقول حسبي الله و نعم الوكيل
-10- فارس شحال فليكسا من عندي من خطرة؟؟؟
ههههههههه مزال مطلعتش ليك للحانوت لخاطر الحانوت نتاعك جاي في بلاصة مندورش فيها بزاف
وانا كاين حانوت لي نجوز عليه بزاف كي نطلع للفيلاج نفليكسي من عندو
-11- واش من مناطق زرتهم في الجزائر فارس ؟؟
بجاية.مستغانم.شرشال.بسكرة.بني حواء(الشلف).تيبازة.هذو لي بعاد علينا و خلينا من المناطق القريبة علينا
-12- دكرى اليمة ودكرى سعيدة؟؟
موت الجدة ربي يرحمها.نهار رحنا لكاس العالم2010
-13- شكون هي المراة المثالية عند فارس ؟؟
هي تلك المراة التي تقوم بواجباتها المنزلية و تعرف تربي الاطفال نتاعها طبعا مع الوالد
وتحاااااافظ على سر دارها حتى مع اقرب الناس اليها لانو من اكبر الاسباب لي تقع في المنازل هي سبب انو المراة تقول راني نفرغ واش كاين في قلبي
بصح هنا يبداو الاهل يدخولو في حياتها مع زوجها و يبدا الصراع داخل الاسرة
-14- وقتاش يتزوج فارس؟؟
كي يسهل ربي سبحانو و نعرضكم كامل للعرس
ان شاء الله ما رانيش طولت عليك
خالد تعرف شحال نعزك و اسئلتك فرحتني

فارس نشكرك بزاف على خفة ظلك
وتعرف بلي انا تاني نعزك مثل خويا واكثر واعلم انى احبك في الله فاللهم ظللنا بظلك يوم لا ظل الا ظلك

وبالنسبة لسؤالي السادس صح عندك حق ندير الجال ونتبع الحطه بصح راك غالط في الطول والميزان ....زيد شوية ههههههههههههههههه
وبالنسبة لسؤالي الثامن صح عندك حق في واش قلت
بصح المقولة تاع الشافعي -رحمه الله- يتكلم فيها على من مس شرفه ودينه او انتهك عرضه وهو لم يغضب

وشكرا على الجابة على كل اسئلتي